thrissur-scooter-rider-killed-bus-runs-over-afida

ബസ് ശരീരത്തിലൂടെ കയറിയിറങ്ങി; സ്കൂട്ടർ യാത്രികയ്ക്ക് ദാരുണാന്ത്യം

തൃശൂർ: ബസ് ശരീരത്തിലൂടെ കയറിയിറങ്ങിയതിനെ തുടർന്ന് സ്കൂട്ടർ യാത്രികയ്ക്ക് ദാരുണാന്ത്യം. ഇരിങ്ങാലക്കുട കൊട്ടിലിങ്ങപ്പാടം ആസാദ് റോഡിൽ കരിപ്പുര വീട്ടിൽ അഷറഫിന്റെ മകൾ ആഫിദ (28) ആണ് മരിച്ചത്.

കൊടകര–വെള്ളിക്കുളങ്ങര റോഡിലെ നെല്ലിപ്പറമ്പിൽ തിങ്കളാഴ്ച രാത്രി എട്ടുമണിയോടെയായിരുന്നു അപകടം. പത്തുകുളങ്ങരയിലെ ബന്ധുവീട്ടിൽ പോയി മടങ്ങുന്നതിനിടെയാണ് യുവതി അപകടത്തിൽപ്പെട്ടത്.

സ്കൂട്ടർ ഓടിച്ചിരുന്നത് ആഫിദ തന്നെയായിരുന്നു. വാഹനത്തിൽ ഒരു കുട്ടിയും ബന്ധുവായ മറ്റൊരു സ്ത്രീയും ഒപ്പമുണ്ടായിരുന്നു.

സ്വകാര്യ ബസിനെ മറികടക്കാൻ ശ്രമിക്കുന്നതിനിടെ എതിരേ എത്തിയ ബൈക്കുമായി സ്കൂട്ടർ ഇടിക്കുകയായിരുന്നു. ഇതോടെ സ്കൂട്ടർ നിയന്ത്രണം വിട്ട് മറിഞ്ഞു വീണു.

റോഡിലേക്കു വീണ ആഫിദയുടെ ശരീരത്തിലൂടെ പിന്നാലെ വന്ന ബസ് കയറിയിറങ്ങുകയും സംഭവസ്ഥലത്ത് തന്നെ യുവതി മരണപ്പെടുകയും ചെയ്തു.

സ്കൂട്ടറിലുണ്ടായിരുന്ന മറ്റ് രണ്ടുപേരും മറുവശത്തേക്ക് വീണതിനാൽ ചെറിയ പരിക്കുകളോടെ രക്ഷപ്പെട്ടു. ആഫിദയുടെ മൃതദേഹം കൊടകരയിലെ സ്വകാര്യ ആശുപത്രിയിൽ സൂക്ഷിച്ചിരിക്കുകയാണ്.

English Summary

A 28-year-old woman died tragically after a bus ran over her following a road accident in Thrissur district. The deceased, Afida, was riding a scooter on the Kodakara–Vellikulangara road on Monday night when the vehicle collided with an oncoming bike while attempting to overtake a private bus. She fell onto the road and was run over by the bus, resulting in instant death. Two others on the scooter, including a child, sustained only minor injuries.

thrissur-scooter-rider-killed-bus-runs-over-afida

Thrissur accident, scooter rider death, bus accident Kerala, Kodakara Vellikulangara road, Iringalakuda news, fatal road accident