ജോലി വേണോ? ലഹരി വേണ്ട! ഐടി ജീവനക്കാർ കുടുങ്ങും; പിരിച്ചുവിടാൻ നിയമം വരുന്നു

തിരുവനന്തപുരം: സംസ്ഥാനത്തെ സ്വകാര്യ സ്ഥാപനങ്ങളിൽ, പ്രത്യേകിച്ച് ഐടി മേഖലയിൽ ജോലി ചെയ്യുന്നവർ ജാഗ്രതൈ

ജീവനക്കാർ ലഹരിമരുന്ന് ഉപയോഗിച്ചാൽ ഉടൻ തന്നെ ജോലിയിൽ നിന്ന് പിരിച്ചുവിടാൻ വ്യവസ്ഥ ചെയ്യുന്ന പുതിയ പദ്ധതിക്ക് കേരളത്തിൽ തുടക്കമായി.

കേരള പൊലീസും ഐടി കമ്പനികളും സംയുക്തമായി നടപ്പിലാക്കുന്ന ‘പ്രിവൻഷൻ ഓഫ് ഡ്രഗ് അബ്യൂസ്’ (PODA) എന്ന പദ്ധതിയിലൂടെയാണ് ഈ കർശന നടപടി.

ഐടി പാർക്കുകൾ ഉൾപ്പെടെയുള്ള സ്വകാര്യ സ്ഥാപനങ്ങളിൽ വർദ്ധിച്ചുവരുന്ന ലഹരി ഉപയോഗം തടയുക എന്ന ലക്ഷ്യത്തോടെയാണ് ഈ നയം ആവിഷ്കരിച്ചിരിക്കുന്നത്.

പ്രധാന മാറ്റങ്ങൾ ഇവയാണ്:

ഇനി മുതൽ ജോലിയിൽ പ്രവേശിക്കുമ്പോൾ തന്നെ ‘ഞാൻ ലഹരിമരുന്ന് ഉപയോഗിക്കില്ല’ എന്ന സമ്മതപത്രം ജീവനക്കാരനിൽ നിന്ന് കമ്പനികൾ വാങ്ങും.

ജോലിക്ക് കയറിയ ശേഷം ഏത് നിമിഷവും ജീവനക്കാരെ ലഹരി പരിശോധനയ്ക്ക് വിധേയമാക്കാൻ തൊഴിലുടമയ്ക്ക് അധികാരമുണ്ടാകും.

കൃത്യമായ ഇടവേളകളിൽ കമ്പനികളിൽ പരിശോധന നടത്തും.

പരിശോധന ഏതുനിമിഷവും; പിരിച്ചുവിടാൻ തൊഴിലുടമയ്ക്ക് അധികാരം

പരിശോധനയിൽ ലഹരിമരുന്ന് ഉപയോഗിച്ചതായി തെളിഞ്ഞാൽ യാതൊരു വിട്ടുവീഴ്ചയുമില്ലാതെ ജീവനക്കാരനെ ജോലിയിൽ നിന്ന് പിരിച്ചുവിടാൻ കമ്പനികൾക്ക് ഈ നിയമം അധികാരം നൽകുന്നു.

രാസലഹരി മരുന്നുകൾ, കഞ്ചാവ് തുടങ്ങിയവയാണ് പരിശോധനയുടെ പരിധിയിൽ വരുന്നത്. മദ്യം, പുകയില ഉൽപ്പന്നങ്ങൾ എന്നിവ ഇതിൽ ഉൾപ്പെടില്ല.

ബിയർ ചലഞ്ചുമായി വധുവും വരനും, ‌പക്ഷെ ഞെട്ടിച്ചത് വധുവാണ്….! അന്തം വിട്ട് സോഷ്യൽ മീഡിയ

രാസലഹരി ഉപയോഗിച്ചാൽ കുടുങ്ങും: 4 മാസം വരെ കണ്ടെത്താം

ഉപയോഗിക്കുന്ന രാസലഹരിയുടെ സാന്നിധ്യം നാല് മാസം വരെ ശരീരത്തിൽ കണ്ടെത്താൻ സാധിക്കുമെന്നത് ലഹരി ഉപയോഗിക്കുന്നവർക്ക് വലിയ തിരിച്ചടിയാകും.

ലഹരിമുക്തമായ തൊഴിലിടങ്ങൾ സൃഷ്ടിക്കുക എന്ന ലക്ഷ്യത്തോടെയാണ് കേരള പൊലീസ് ഈ പദ്ധതിക്ക് മുൻകൈ എടുത്തിരിക്കുന്നത്.

ഐടി പാർക്കുകൾ ലഹരിമുക്തമാക്കാൻ കേരള പൊലീസിന്റെ കർശന നീക്കം

ഐടി മേഖലയിലെ പ്രമുഖ കമ്പനികൾ ഇതിനോടകം തന്നെ ഈ നീക്കത്തിന് പിന്തുണയുമായി രംഗത്തെത്തിയിട്ടുണ്ട്.

ലഹരി മാഫിയകൾക്കെതിരെയുള്ള പോലീസിന്റെ ശക്തമായ നീക്കമായാണ് ‘പോഡ’ വിലയിരുത്തപ്പെടുന്നത്.

English Summary

The Kerala Police has launched the Prevention of Drug Abuse (PODA) scheme in collaboration with private firms, particularly in the IT sector. Under this policy, employees must sign a declaration at the time of joining stating they will not use drugs. Employers are authorized to conduct periodic or random drug tests.