പോൾ ചെയ്ത വോട്ടുകളുടെ 65 ശതമാനം നേടി 28 വയസുകാരൻ
പത്തനംതിട്ട ജില്ലാ പഞ്ചായത്ത് തിരഞ്ഞെടുപ്പിൽ പോൾ ചെയ്ത വോട്ടുകളുടെ 65 ശതമാനം നേടി 28 വയസുകാരനായ ആരോൺ ബിജിലി പനവേലി കോൺഗ്രസ് രാഷ്ട്രീയത്തിൽ പുതിയ തരംഗമായി മാറി.
റാന്നി അങ്ങാടി ഡിവിഷനിൽ നിന്നാണ് ആരോൺ ചരിത്ര വിജയം സ്വന്തമാക്കിയത്. 11,859 വോട്ടുകളുടെ ഭൂരിപക്ഷമാണ് അദ്ദേഹത്തിന് ലഭിച്ചത്. ഇത് ജില്ലയിൽ തന്നെ ഇത്തവണ ലഭിച്ച ഏറ്റവും വലിയ ഭൂരിപക്ഷമാണ്.
അങ്ങാടി ഡിവിഷനിൽ ആകെ പോൾ ചെയ്ത 34,411 വോട്ടുകളിൽ 21,226 വോട്ടുകൾ നേടിയാണ് ആരോൺ റെക്കോർഡ് കുറിച്ചത്. ശ്രദ്ധേയമായ കാര്യം, എതിരാളികൾക്ക് ലഭിച്ച മൊത്തം വോട്ടിനേക്കാൾ കൂടുതലാണ് ആരോണിന്റെ ഭൂരിപക്ഷം എന്നതാണ്.
എൽഡിഎഫ് സ്ഥാനാർത്ഥി പ്രശാന്ത് ബി. മോളിയ്ക്കലിന് 9,367 വോട്ടുകളും എൻഡിഎ സ്ഥാനാർത്ഥി അനുകുമാറിന് 3,818 വോട്ടുകളുമാണ് ലഭിച്ചത്.
ആരോൺ ബിജിലി പനവേലിയുടെ ആദ്യ തെരഞ്ഞെടുപ്പ് മത്സരമാണിത്. 17 അംഗങ്ങളുള്ള പത്തനംതിട്ട ജില്ലാ പഞ്ചായത്തിൽ 12 സീറ്റുകൾ നേടി യുഡിഎഫ് ഭരണം പിടിച്ചെടുത്തു.
അങ്ങാടി, പഴവങ്ങാടി, നാറാണംമൂഴി, വെച്ചൂച്ചിറ പഞ്ചായത്തുകൾ ഉൾപ്പെടുന്നതാണ് ആരോൺ വിജയിച്ച അങ്ങാടി ഡിവിഷൻ.
രാഷ്ട്രീയ പശ്ചാത്തലവും ആരോണിന് കരുത്തായി. അദ്ദേഹത്തിന്റെ മുത്തച്ഛൻ സണ്ണി പനവേലിയും മുത്തശ്ശി റേച്ചൽ സണ്ണിയും റാന്നിയിൽ നിന്നുള്ള മുൻ എംഎൽഎമാരായിരുന്നു.
പിതാവ് ബിജിലി പനവേലിൽ 2001ൽ നിയമസഭയിലേക്ക് മത്സരിച്ചിരുന്നെങ്കിലും വിജയിക്കാൻ കഴിഞ്ഞിരുന്നില്ല. കൊല്ലം ടികെഎം എഞ്ചിനീയറിംഗ് കോളേജിൽ നിന്ന് ആർക്കിടെക്ചറിൽ ബിടെക് നേടിയ ആരോൺ നിലവിൽ പ്രൊഫഷണൽ കോൺഗ്രസ് സംസ്ഥാന വൈസ് പ്രസിഡന്റാണ്.
English Summary
Twenty-eight-year-old Aaron Bijili Panavelil emerged as a major political force after registering a record victory in the Pathanamthitta District Panchayat elections. Contesting from the Ranni Angadi division, Aaron secured 65% of the total polled votes with a massive margin of 11,859 votes—the highest in the district. This was his first electoral contest. With UDF winning 12 out of 17 seats, the coalition took control of the district panchayat. Aaron comes from a prominent political family and is currently the State Vice President of the Professional Congress.
aaron-bijili-panavelil-record-victory-pathanamthitta-district-panchayat
Aaron Bijili Panavelil, Pathanamthitta district panchayat, Ranni Angadi division, Congress, UDF, local body elections, Kerala politics
