ഒരേസമയം നിരവധി പുതിയ ഫീച്ചറുകൾ; അടിമുടി മാറാൻ വാട്സാപ്പ്
ഉപയോക്തൃ അനുഭവം കൂടുതൽ മെച്ചപ്പെടുത്താൻ ഒരേസമയം നിരവധി പുതിയ ഫീച്ചറുകൾ അവതരിപ്പിക്കാൻ ഒരുങ്ങുകയാണ് വാട്സാപ്പ്.
മെറ്റാ എഐ ഉൾപ്പെടെയുള്ള പുതുമകൾ ഈ ആഴ്ച തന്നെ ഉപയോക്താക്കളിലേക്ക് എത്തിത്തുടങ്ങും.
വരാനിരിക്കുന്ന ക്രിസ്മസ് അവധിക്കാലം ലക്ഷ്യമിട്ടാണ് കമ്പനി പുതിയ അപ്ഡേറ്റുകൾ പുറത്തിറക്കുന്നത്.
കോൾ, ചാറ്റ്, സ്റ്റാറ്റസ് വിഭാഗങ്ങളിലാണ് പ്രധാന മാറ്റങ്ങൾ. നിങ്ങൾ വിളിച്ചപ്പോൾ എതിർവശത്ത് നിന്ന് ഫോൺ എടുക്കാത്ത സാഹചര്യമുണ്ടായാൽ,
ഒറ്റ ടാപ്പിൽ തന്നെ വോയിസ് നോട്ടോ വീഡിയോ നോട്ടോ റെക്കോർഡ് ചെയ്ത് അയയ്ക്കാൻ കഴിയുന്ന ‘വോയിസ് മെയിൽ’ സംവിധാനം അവതരിപ്പിക്കുന്നു.
വോയിസ് ചാറ്റുകൾക്കിടെ സംഭാഷണം തടസ്സപ്പെടുത്താതെ വേഗത്തിൽ ഇമോജികൾ അയയ്ക്കാനും ഇനി സാധിക്കും.
ഗ്രൂപ്പ് വീഡിയോ കോളുകളിൽ സംസാരിക്കുന്നവരെ സ്ക്രീനിൽ വ്യക്തമായി ഹൈലൈറ്റ് ചെയ്യുന്ന പുതിയ ഫീച്ചറും ഉടൻ ലഭ്യമാകും.
വാട്സാപ്പിലെ മെറ്റാ എഐക്ക് ഇനി ‘മിഡ്ജേണി’, ‘ഫ്ലക്സ്’ എന്നിവയുടെ പിന്തുണയും ലഭിക്കും. ഇതിലൂടെ അവധിക്കാല ആശംസകൾക്കായി ക്രിയേറ്റീവ് കാർഡുകൾ തയ്യാറാക്കാൻ കഴിയും.
ശരിയായ നിർദ്ദേശങ്ങൾ നൽകിയാൽ ഏതൊരു ഫോട്ടോ ഉപയോഗിച്ചും എഐയുടെ സഹായത്തോടെ ചെറു വീഡിയോകൾ സൃഷ്ടിക്കാനും സാധിക്കും.
ഡെസ്ക്ടോപ്പ് പതിപ്പുകളിലും വലിയ മാറ്റങ്ങളുണ്ട്. മാക്, വെബ്, ഡെസ്ക്ടോപ്പ് ഉപയോക്താക്കൾക്കായി പുതിയ മീഡിയ ടാബ് അവതരിപ്പിക്കുന്നു.
ഇതുവഴി ഡോക്യുമെന്റുകൾ, ലിങ്കുകൾ, മറ്റ് മീഡിയ ഫയലുകൾ എന്നിവ ചാറ്റുകൾക്കിടയിൽ എളുപ്പത്തിൽ കണ്ടെത്താനാകും. കൂടാതെ ലിങ്ക് പ്രിവ്യൂ, സ്റ്റിക്കർ പായ്ക്കുകൾ എന്നിവയിലും പുതുക്കലുകൾ വരും.
ഈ പുതിയ ഫീച്ചറുകൾ അടുത്ത ഏതാനും ആഴ്ചകളിൽ ഘട്ടംഘട്ടമായി എല്ലാ ഉപയോക്താക്കൾക്കും ലഭ്യമാകുമെന്ന് കമ്പനി അറിയിച്ചു.
English Summary:
WhatsApp is rolling out multiple new features to enhance user experience, including Meta AI upgrades, just in time for the Christmas holidays. New updates focus on calls, chats, and status, such as voice mail for missed calls, quick emoji reactions during voice chats, and speaker highlights in group video calls. Meta AI will now support Midjourney and Flux for creating greeting cards and short videos. Desktop versions will also get a new media tab for easier file search. The features will be released gradually to all users in the coming weeks.
whatsapp-new-features-meta-ai-christmas-update
WhatsApp, Meta AI, New Features, Tech News, Messaging App, Christmas Update, Voice Mail, Video Call, Desktop Update
