അമേരിക്കയിൽ സമാധാന ചർച്ചകൾ നടന്നുകൊണ്ടിരിക്കെ യുക്രൈനിൽ വൻ ആക്രമണം
കീവ്: യുഎസ്–യുക്രെയ്ൻ സമാധാന ചർച്ചകൾ തുടരുന്ന സമയത്താണ് റഷ്യ യുക്രെയ്നിനെതിരായി അടുത്തിടെയുള്ള ഏറ്റവും ശക്തമായ വ്യോമാക്രമണം നടത്തിയത്.
653 ഡ്രോണുകളും 51 മിസൈലുകളും യുക്രെയ്ൻ ലക്ഷ്യങ്ങളിലേക്ക് റഷ്യ തൊടുത്തുവിട്ടതായി റിപ്പോർട്ടുകൾ പറയുന്നു.
വ്യത്യസ്ത സ്ഥലങ്ങളിലായി 29 കേന്ദ്രങ്ങൾ ലക്ഷ്യമിട്ടാണ് ആക്രമണം നടന്നതെന്നും എട്ട് പേർക്ക് പരുക്കേറ്റതായും സ്ഥിരീകരിച്ചു.
കീവിന്റെ തെക്കുപടിഞ്ഞാറൻ ഭാഗത്തുള്ള ഫാസ്റ്റിവ് പട്ടണത്തിലെ റെയിൽവേ ഹബിലേക്കുള്ള ആക്രമണത്തിൽ പ്രധാന സ്റ്റേഷൻ കെട്ടിടത്തിന് കാര്യമായ നാശം സംഭവിച്ചു.
സൈനിക–വ്യാവസായിക സ്ഥാപനങ്ങൾ, ഊർജകേന്ദ്രങ്ങൾ, തുറമുഖ സൗകര്യങ്ങൾ എന്നിവയെ തന്നെയാണ് ലക്ഷ്യമാക്കിയതെന്ന് റഷ്യ അവകാശപ്പെട്ടു.
എന്നാൽ ഭൂരിഭാഗം ഡ്രോണുകളും മിസൈലുകളും വീഴ്ത്തിയതായാണ് യുക്രെയ്ൻ വാദിക്കുന്നത്.
ഈ സംഭവങ്ങൾ നടക്കുന്നത് ഫ്ലോറിഡയിൽ നടക്കുന്ന യുഎസ്–യുക്രെയ്ൻ സമാധാന കരാർ ചർച്ചകൾ മൂന്നാം ദിവസത്തേക്ക് നീളാനിരിക്കുന്ന വേളയിലാണ്.
ട്രംപിന്റെ പ്രത്യേക പ്രതിനിധി സ്റ്റീവ് വിറ്റ്കോഫ്, മരുമകൻ ജറീദ് കഷ്നർ എന്നിവരാണ് യുക്രെയ്ൻ പ്രതിനിധികളുമായി ചര്ച്ച നയിക്കുന്നത്.
റഷ്യൻ ആക്രമണത്തെ ഫ്രാൻസ് പ്രസിഡന്റ് ഇമ്മാനുവൽ മക്രോ ശക്തമായി അപലപിച്ചു.
യുക്രെയ്ൻ പ്രസിഡന്റ് വൊളോഡിമിർ സെലെൻസ്കി, ബ്രിട്ടീഷ് പ്രധാനമന്ത്രി കിയ സ്റ്റാമർ, ജർമൻ ചാൻസലർ ഫ്രീഡ്രിഷ് മെർസ് എന്നിവരുമായി ലണ്ടനിൽ കൂടിക്കാഴ്ച നടത്തുമെന്ന് മക്രോ അറിയിച്ചു.
English Summary
Russia launched one of its heaviest recent attacks on Ukraine amid ongoing peace talks between the US and Ukraine in Florida. A total of 653 drones and 51 missiles were fired, targeting 29 locations across the country, injuring eight people. A railway hub in Fastiv, southwest of Kyiv, suffered major damage. Russia claimed it targeted military-industrial facilities and energy and port infrastructure, while Ukraine said most incoming drones and missiles were intercepted. The attack occurred as US representatives Steve Witkoff and Jared Kushner continued peace negotiations with Ukrainian officials. French President Emmanuel Macron condemned the strikes and announced upcoming talks in London with leaders including Zelenskyy, UK PM Keir Starmer, and German Chancellor Friedrich Merz.
russian-attack-during-peace-talks-ukraine
Ukraine, Russia, Peace Talks, Missile Attack, Drone Strike, Florida Talks, Zelensky, Macron, UK, Germany, Fastiv
