സാധാരണക്കാർ കാറ് വാങ്ങുന്നു; ഇടത്തരക്കാർ വലിയ കാര് വാങ്ങുന്നു; പുത്തൻ ട്രെന്ഡിന് പിന്നില്
കൊച്ചി: ചരക്കു സേവന നികുതി (ജി.എസ്.ടി)യിൽ വൻ ഇളവ് ലഭിച്ചതോടെ രാജ്യത്തെ വാഹനവിപണി ചരിത്രത്തിലെ മികച്ച വളർച്ചയാണ് രേഖപ്പെടുത്തുന്നത്.
ഒക്ടോബറിൽ വാഹനവിൽപ്പന 40.5% ഉയർന്ന് 91,953 എന്ന റെക്കോർഡ് നേട്ടത്തിലെത്തി.
ജി.എസ്.ടി 28 ശതമാനത്തിൽ നിന്ന് 18 ശതമാനമായി കുറഞ്ഞതാണ് ഇടത്തരം കുടുംബങ്ങൾക്കും സാധാരണ ഉപഭോക്താക്കൾക്കും കാറുകളിലേക്കുള്ള നീക്കം വർധിക്കാൻ പ്രധാന കാരണം.
വാഹന ഡീലർമാരുടെ സംഘടനയായ ഫെഡറേഷൻ ഓഫ് ഓട്ടോമൊബൈൽ ഡീലേഴ്സ് അസോസിയേഷൻ (FADA) അറിയിച്ചു.
രണ്ടുചക്രവാഹനങ്ങൾക്കു 51.76%യും യാത്രാവാഹനങ്ങൾക്ക് 11.35%യും വളർച്ച രേഖപ്പെടുത്തി.
ആഡംബര വാഹനങ്ങളുടെ ജി.എസ്.ടി 50ൽ നിന്ന് 40 ശതമാനമായി കുറഞ്ഞെങ്കിലും ആ വിഭാഗത്തിലെ വിൽപ്പനയിൽ കാര്യമായ മാറ്റമുണ്ടായില്ല.
ജി.എസ്.ടി ഇളവ് പ്രതീക്ഷിച്ച് ഉപഭോക്താക്കൾ വാങ്ങൽ തീരുമാനം മാറ്റിയത് സെപ്തംബറിൽ വിൽപ്പന കുറയാൻ കാരണമായെന്ന് റിപ്പോർട്ട്.
വിപണിയിലെ പുതിയ ട്രെൻഡ്
രണ്ടുചക്രവാഹന വിൽപ്പന കുതിക്കുന്നു
രണ്ടുചക്ര ഉടമകൾ കാറിലേക്ക് മാറുന്നു
ചെറുകാർ ഉടമകൾ വലിയ കാറുകളിലേക്ക് അപ്ഗ്രേഡ് ചെയ്യുന്നു
ഒരേ കുടുംബം ഒന്നിലധികം കാറുകൾ സ്വന്തമാക്കുന്നു
വാണിജ്യ വിഭാഗത്തിൽ ഇ.വി. വാഹനങ്ങൾക്ക് വലിയ സ്വീകാര്യത
വാഹന വിൽപ്പന (കേരളം – ഒക്ടോബർ 2025)
വിഭാഗം ഒക്ടോ 2025 ഒക്ടോ 2024 വ്യത്യാസം (%)
രണ്ടുചക്രം 61,059 46,032 32.64%
മൂന്നുചക്രം 3,322 2,650 26.36%
വാണിജ്യം 3,332 2,737 21.37%
നിർമാണ വാഹനം 52 64 -18.75%
യാത്രാവാഹനം 24,126 20,613 17.04%
ട്രാക്ടർ 72 46 56.52%
ആകെ 91,953 72,142 27.46%
വൈദ്യുത വാഹന വിൽപ്പന (ഏപ്രിൽ–ഒക്ടോബർ)
വിഭാഗം 2025 2024 വ്യത്യാസം (%)
രണ്ടുചക്രം 47,721 36,149 32.01%
മൂന്നുചക്രം 4,032 2,530 59.37%
വാണിജ്യം 302 101 199.01%
യാത്രാവാഹനം 12,104 6,431 88.21%
ആകെ 64,159 45,211 41.91%
ഫാഡ പ്രതികരണം
“ജി.എസ്.ടി ഇളവിന്റെ നേട്ടങ്ങൾ ദീർഘകാലം നിലനിൽക്കും. നഗരങ്ങളെക്കാൾ ഗ്രാമപ്രദേശങ്ങളിൽ വാഹനം വാങ്ങുന്നവരുടെ വർധനയാണിപ്പോൾ ശ്രദ്ധേയമായി കാണുന്നത്.”
— സി.എസ്. വിഗ്നേശ്വർ, പ്രസിഡന്റ്, FADA
“യൂസ്ഡ് കാർ വിപണി, വർക്ഷോപ്പുകൾ, സ്പെയർ പാർട്ട്സ് മേഖലകൾ എന്നിവയ്ക്കും ജി.എസ്.ടി ഇളവിന്റെ നേട്ടം ലഭിക്കും. തൊഴിൽ അവസരങ്ങൾ കൂടി വികസിക്കും.”
— മനോജ് കുറുപ്പ്, പ്രസിഡന്റ്, FADA കേരളം
English Summary
GST rate reduction has triggered a major boom in India’s automobile market, with Kerala recording a 40.5% jump in vehicle sales in October 2025. Total sales touched 91,953 units last month. Two-wheeler owners are upgrading to cars, and small-car owners are shifting to larger vehicles, indicating a significant trend shift. EV sales also saw strong growth, with a 41.91% rise between April and October. FADA states that GST benefits will have long-term positive impacts, especially in rural markets.
gst-cut-kerala-vehicle-sales-record-rise-trend-shift
Kerala Auto Market, GST Reduction, Vehicle Sales, FADA Report, Car Sales Trend, EV Sales, Two Wheeler Growth, Auto Industry Kerala, GST Impact, Automobile Sector India
