രാഹുൽ മാങ്കൂട്ടത്തിലിനെതിരായ ലൈംഗിക പീഡന കേസ്; ഡോക്ടറുടെ സഹായമില്ലാതെ ഗുളിക വഴി ഗർഭഛിദ്രം, മരുന്ന് എത്തിച്ചത് സുഹൃത്ത്, മുന്‍കൂര്‍ ജാമ്യാപേക്ഷയും അന്വേഷണവും ചടുലം
തിരുവനന്തപുരം: കോൺഗ്രസ് എംഎൽഎ രാഹുൽ മാങ്കൂട്ടത്തിലിനെതിരെ രജിസ്റ്റര്‍ ചെയ്ത ലൈംഗിക പീഡന കേസില്‍, പരാതിക്കാരിയായ യുവതിയുടെ മൊഴി വിശദാംശങ്ങൾ പുറത്തുവന്നു.
ഗൈനക്കോളജി ഡോക്ടറെ സര്‍ക്കാര്‍ ആശുപത്രിയിൽ സമീപിച്ചതായി യുവതി അറിയിച്ചെങ്കിലും, ഗർഭഛിദ്രം നടത്തിയത് ഡോക്ടറുടെ സഹായമില്ലാതെയും മെഡിക്കൽ മേൽനോട്ടമില്ലാതെയും ആയിരുന്നുവെന്നാണ് മൊഴി.
ഗർഭഛിദ്ര ഗുളികകൾ ലഭ്യമാക്കി നല്‍കിയതും യുവതിക്ക് എത്തിച്ചതും രാഹുലിന്‍റെ സുഹൃത്താണ് എന്ന് പരാതിക്കാരി വ്യക്തമാക്കി.
വീഡിയോ കോൾ വഴി വിളിച്ച് ഭീഷണിപ്പെടുത്തിയാണ് ഗുളിക കഴിപ്പിച്ചത്.
ശേഷം ഗുരുതര ശാരീരിക പ്രശ്നങ്ങൾ ഉണ്ടായതായി യുവതി പൊലീസിന് മൊഴി നൽകി.
ഗുരുവായൂര്‍ ഏകാദശി: ഡിസംബര്‍ 1-ന് ചാവക്കാട് താലൂക്കിൽ പ്രാദേശിക അവധി
എഫ്ഐആറും സ്റ്റേഷനുകളുടെ നടപടികളും
വലിയമല പൊലീസ് സ്റ്റേഷനിലാണ് ആദ്യം സീറോ എഫ്ഐആര്‍ രജിസ്റ്റര്‍ ചെയ്തത്.
കുറ്റം നടന്നത് നേമം സ്റ്റേഷന്‍ പരിധിയിലായതിനാലാണ് കേസ് പിന്നീട് നേമം പൊലീസ് സ്റ്റേഷനിലേക്ക് കൈമാറിയത്.
പരാതി നല്‍കിയതിന് പിന്നാലെ ആശുപത്രിയെയും ഡോക്ടറെയും പൊലീസ് നേരത്തെ തിരിച്ചറിഞ്ഞിരുന്നു.
യുവതിയുടെ രഹസ്യ മൊഴി എടുക്കാനുള്ള നടപടികള്‍
പരാതിക്കാരിയുടെ രഹസ്യ മൊഴി എടുക്കാനായി പൊലീസ് ഇന്ന് തന്നെ കോടതിയിൽ അപേക്ഷ സമർപ്പിക്കും.
നെയ്യാറ്റിന്‍കര കോടതിയിലാണ് അപേക്ഷ നല്‍കുക.
കോടതി അനുമതി നല്‍കിയാൽ ഇന്ന് തന്നെ മൊഴി രേഖപ്പെടുത്തും.
മൊഴി നടപടികളുടെ മേൽനോട്ടം തിരുവനന്തപുരം സിറ്റി പൊലീസ് കമ്മീഷണറാണ് വഹിക്കുന്നത്.
രാഹുൽ ഒളിവില്‍; അന്വേഷണം കേരളത്തിനകത്തും പുറത്തും
എഫ്ഐആർ രജിസ്റ്റർ ചെയ്തതോടെ രാഹുലിനെ കണ്ടെത്താൻ സംസ്ഥാനത്ത് വിവിധ ടീമുകൾ അന്വേഷണം ശക്തമാക്കി.
രാഹുൽ കേരളം വിട്ടെന്നാണ് സൂചന. ഫോൺ സ്വിച്ച് ഓഫ് നിലയിലുമാണ്.
പാലക്കാട്, പത്തനംതിട്ട ജില്ലകളിൽ പൊലീസ് പരിശോധന തുടരുന്നു, ഒപ്പം ഗുളിക എത്തിച്ച സുഹൃത്തിനെയും അടൂർ സ്വദേശിയായ വ്യാപാരിയെ സംബന്ധിച്ചും പൊലീസ് അന്വേഷണം നടത്തുന്നുണ്ട്.
മുന്‍കൂര്‍ ജാമ്യാപേക്ഷയ്ക്കായി നിയമോപദേശം
കേസിൽ മുന്‍കൂര്‍ ജാമ്യം തേടാനുള്ള നീക്കം രാഹുൽ സജീവമാക്കിയിട്ടുണ്ട്.
കൊച്ചിയിലെ പ്രമുഖ അഭിഭാഷകനുമായി ചർച്ച നടത്തി, തിരുവനന്തപുരം ജില്ലാ സെഷൻസ് കോടതിയെയോ ഹൈക്കോടതിയെയോ സമീപിക്കാനാണ് ആലോചന.
അസാധാരണ സാഹചര്യമുണ്ടെങ്കിൽ നേരിട്ട് ഹൈക്കോടതിയില്‍ ഹർജി നൽകാമെന്ന സുപ്രീംകോടതി നിർദ്ദേശവും പരിഗണിക്കുന്നുണ്ട്; അല്ലെങ്കിൽ ഹർജി തിരുവനന്തപുരത്ത് തന്നെ സമർപ്പിക്കും.
English Summary:
In the sexual abuse case against Palakkad MLA Rahul Mankootathil, the complainant said abortion pills were delivered by Rahul’s friend without a doctor’s supervision, after video-call threats, leading to severe health issues. The zero FIR filed at Valiyamala was later transferred to Nemom due to jurisdiction. Police are moving to record her confidential court statement today, while Rahul is reportedly absconding and preparing to file an anticipatory bail plea after consulting a Kochi-based lawyer. The City Police Commissioner oversees the probe.
