കന്യാകുമാരി കടലിൽ ന്യൂനമർദ്ദം: കേരളത്തിൽ മഴ ശക്തമാകാം
തിരുവന്തപുരം: കന്യാകുമാരി കടലിന് മുകളിലുള്ള ന്യൂനമർദ്ദത്തിന്റെ സ്വാധീനത്തിൽ ഇന്ന് സംസ്ഥാനത്ത് വ്യാപകമായ മഴയ്ക്ക് സാധ്യത.
ഒരു ജില്ലയിലും പ്രത്യേക മുന്നറിയിപ്പ് നൽകിയിട്ടില്ലെങ്കിലും ഒറ്റപ്പെട്ടയിടങ്ങളിൽ മഴ ശക്തമാകാൻ സാധ്യതയുണ്ട്.
കേരളവും ലക്ഷദ്വീപും ഉള്ക്കൊള്ളുന്ന തീരപ്രദേശങ്ങളില് മത്സ്യബന്ധനത്തിന് വിലക്കുണ്ട്.
കേരള തീരത്ത് മണിക്കൂറിൽ 55 കിലോമീറ്റർ വരെ വേഗത്തിൽ കാറ്റ് വീശാൻ സാധ്യത.
ഉച്ചയ്ക്കുശേഷം കൂടുതല് ഇടങ്ങളിൽ ഇടിമിന്നലോടുകൂടിയ മഴയുണ്ടാക്കാം.
വേദനക്കിടയിൽ കരുതലായി ഉടമയുടെ കുറിപ്പ്; അർച്ചനയുടെ പോസ്റ്റ് സോഷ്യൽ മീഡിയയിൽ വൈറൽ
മലയോര മേഖലകൾക്ക് ജാഗ്രത നിർദേശം
കഴിഞ്ഞ ദിവസങ്ങളിലുണ്ടായ മഴയുടെ പശ്ചാത്തലത്തിൽ മലയോര മേഖലയിലുള്ളവർ പ്രത്യേക ജാഗ്രത പാലിക്കണമെന്ന് നിർദേശിച്ചു.
മണ്ണിടിച്ചിൽ സാധ്യതയും വർധിച്ചിട്ടുണ്ട്.
ശനിയാഴ്ചയോടെ തെക്ക്–പടിഞ്ഞാറൻ ബംഗാൾ ഉൾക്കടലിൽ പുതിയ ന്യൂനമർദ്ദം രൂപപ്പെടാൻ സാധ്യത.
അതിനെ തുടർന്ന് 48 മണിക്കൂറിനകം കൂടുതൽ ശക്തി പ്രാപിക്കുമെന്ന് പ്രവചനം.
യെല്ലോ അലർട്ടവും മഴ പ്രവചനവും
ശനിയാഴ്ച നാല് ജില്ലകൾക്ക് യെല്ലോ അലർട്ട് പ്രഖ്യാപിച്ചു.
അടുത്ത നാല് ദിവസം കേരളത്തിൽ ഇടിമിന്നലോട് കൂടിയ നേരിയ മുതൽ ഇടത്തരം മഴ പ്രതീക്ഷിക്കുന്നു.
നവംബർ 18,19,22 തീയതികളിൽ ഒറ്റപ്പെട്ട ശക്തമായ മഴയ്ക്കും സാധ്യത.
English Summary:
A low-pressure area over the Kanyakumari Sea is bringing widespread rainfall to Kerala, with isolated heavy showers and thunderstorms expected. Coastal regions face strong winds up to 55 km/h and a ban on fishing. A new low-pressure system may form over the southwest Bay of Bengal by Saturday, likely intensifying in 48 hours. Yellow alerts are issued for four districts, and thunderstorms with moderate rain are expected over the next four days, including isolated heavy rainfall on November 18, 19, and 22.
