യുഡിഎഫിന്റെ സിറ്റിംഗ് സീറ്റ് പിടിക്കാനെത്തി 21 കാരി; കൊടിയത്തൂരിൽ എൽഡിഎഫിന്റെ സിസിന പ്രവീൺ
കോഴിക്കോട്: കൊടിയത്തൂർ പഞ്ചായത്തിലെ വരാനിരിക്കുന്ന തിരഞ്ഞെടുപ്പിൽ പ്രായം കൊണ്ടും സജീവ പ്രവർത്തനങ്ങളാലും ശ്രദ്ധാകേന്ദ്രമായിരിക്കുന്നു 21കാരിയായ സിസിന പ്രവീൺ.
ഇടതുപക്ഷ ജനാധിപത്യ മുന്നണി സ്ഥാനാർത്ഥികളെ പ്രഖ്യാപിച്ചപ്പോൾ സിസിനയുടെ സാന്നിധ്യം പ്രത്യേക ശ്രദ്ധ നേടി.
പ്രായപൂർത്തിയാകാത്ത ആണ്കുട്ടിക്കെതിരെ ലൈംഗികാതിക്രമം; പയ്യോളി സ്വദേശി തിരൂരങ്ങാടിയിൽ കുടുങ്ങി
ഉച്ചക്കാവ് വാർഡിൽ നിന്നും മത്സരിക്കുന്നു
മുക്കത്ത് സ്വകാര്യ കമ്പ്യൂട്ടർ സ്ഥാപനത്തിൽ DCA പഠിക്കുന്ന സിസിന, കൊടിയത്തൂർ പഞ്ചായത്തില് പത്താം വാർഡായ ഉച്ചക്കാവിൽ നിന്നും മത്സരിക്കുന്നു.
കഴിഞ്ഞ തവണ ഈ വാർഡ് യുഡിഎഫിന്റെ സിറ്റിംഗ് സീറ്റ് ആയതിനാൽ മത്സരത്തിന് കൂടുതൽ രാഷ്ട്രീയ പ്രാധാന്യമുണ്ട്.
ഇത്തവണ പഞ്ചായത്ത് പ്രസിഡന്റ് പദവി SC വനിതാ സംവരണമാക്കി മാറ്റിയതോടെ സിസിനയുടെ സ്ഥാനാർത്ഥിത്വം കൂടുതൽ ശ്രദ്ധേയമായിരിക്കുന്നു.
വിദ്യാഭ്യാസവും രാഷ്ട്രീയ പ്രവർത്തനങ്ങളും
മലപ്പുറത്തെ തച്ചണ്ണ സ്വദേശിനിയായ സിസിന, രണ്ട് വർഷം മുൻപ് പരപ്പിൽ സ്വദേശിയായ പ്രവീൺലാലിനെ വിവാഹം കഴിച്ചു.
മുക്കം MAMO കോളേജിൽ പഠിക്കുമ്പോൾ SFI യൂണിറ്റ് കമ്മിറ്റി അംഗം, തുടർന്ന് ഏരിയ കമ്മിറ്റി അംഗം എന്നീ പദവികളിൽ പ്രവർത്തിച്ചിരുന്നു.
തിരഞ്ഞെടുപ്പ് പ്രചാരണത്തിൽ മികച്ച പിന്തുണ
പാർട്ടി നേതൃത്വത്തിന്റെ വിശ്വാസത്തിൽ സന്തോഷമുണ്ടെന്നും, പ്രചാരണത്തിന്റെ ആദ്യഘട്ടത്തിൽ തന്നെ വോട്ടർമാരിൽ നിന്ന് ശ്രദ്ധേയമായ പിന്തുണ ലഭിക്കുന്നുവെന്നും സിസിന പ്രതികരിച്ചു.
English Summary:
Sisin Praveen, a 21-year-old DCA student and former SFI activist, has emerged as the youngest and most notable candidate in the upcoming elections at Kodiyathur Panchayat in Kozhikode. Representing the LDF in the UDF-held Uchakav Ward, her nomination gains added significance as the Panchayat president post is reserved for an SC woman this term. Originally from Malappuram, Sisin married Praveenlal of Parappil two years ago. She reports receiving strong public support during the first phase of campaigning.
