കൊച്ചിയിൽ മുങ്ങിയ കപ്പലിലെ കണ്ടെയ്നർ ഭാഗങ്ങൾ കോവളത്ത്
തിരുവനന്തപുരം: മേയ് 25ന് കടലിൽ മുങ്ങിയ ചരക്കുകപ്പൽ എംഎസ്സി എൽസ് 3ന്റെ ഭാഗമായെന്ന് കരുതുന്ന കണ്ടെയ്നർ ഭാഗം കോവളത്ത് കടലിനടിയിൽ കണ്ടെത്തി.
കപ്പൽ മുങ്ങിയതിനു ശേഷം ഇതാദ്യമായാണ് കണ്ടെയ്നറിന്റെ അവശിഷ്ടങ്ങൾ കടലിനടിയിൽ കണ്ടെത്തുന്നത്.
കോവളം അശോക ബീച്ചിന് സമീപം പണിയെടുത്തിരുന്ന ചിപ്പിത്തൊഴിലാളികൾ നൽകിയ സൂചനയെ തുടർന്നാണ് തിരച്ചിൽ ആരംഭിച്ചത്.
കഴിഞ്ഞ രണ്ട് ദിവസങ്ങളായി നടന്ന പരിശ്രമത്തിനൊടുവിലാണ് ഭാഗം കണ്ടെത്തിയത്.
കോവളത്തെ ‘മുക്കം’മലയുടെ തുടർച്ചയായി കടലിന് അടിയിലുള്ള പാറപ്പരപ്പുകൾക്കിടയിൽ മണ്ണിൽ പുതഞ്ഞ നിലയിലായിരുന്നു ഭാഗം.
തിരുവനന്തപുരത്തെ ഫ്രണ്ട്സ് ഓഫ് മറൈൻ ലൈഫ് സംഘവും കൊച്ചിയിലെ സ്കൂബ ഡൈവേഴ്സും ചേർന്നാണ് തിരച്ചിൽ നടത്തിയത്.
കൊച്ചി തീരത്തുനിന്ന് 38 നോട്ടിക്കൽ മൈൽ അകലെയുള്ള കടലിലാണ് മെയ് 24ന് കപ്പൽ ചരിഞ്ഞ് മുങ്ങിയത്.
തൂത്തുക്കുടി–വിഴിഞ്ഞം–കൊച്ചി–മംഗളൂരു കടൽമാർഗത്തിൽ സർവീസ് നടത്തുന്ന എംഎസ്സി എൽസ് 3-ൽ 643 കണ്ടെയ്നറുകളാണ് ഉണ്ടായിരുന്നത്.
English Summary:
A section of a container, believed to be from the cargo ship MSC Els 3 that sank on May 25, has been discovered underwater off Kovalam in Thiruvananthapuram. This is the first time any part of the containers has been found since the vessel sank.
The fragment was found buried in the seabed between rocky ridges near Ashoka Beach, based on information provided by local shell collectors. The search was carried out over two days by Friends of Marine Life (Thiruvananthapuram) and scuba divers from Kochi.
The MSC Els 3, which operated between Thoothukudi, Vizhinjam, Kochi, and Mangaluru, capsized 38 nautical miles off the Kochi coast on May 24, carrying 643 containers.
