തലയിൽ മുല്ലപ്പൂ ഇല്ലാത്തതുകൊണ്ട് ആസ്ട്രേലിയയിലേക്കല്ല
കൊച്ചി: “തലയിൽ മുല്ലപ്പൂ ഇല്ലാത്തതുകൊണ്ട് ആസ്ട്രേലിയയിലേക്കല്ല” — നടി നവ്യ നായരുടെ രസകരമായ ഇൻസ്റ്റാഗ്രാം ക്യാപ്ഷനാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. വിമാനത്തിലിരിക്കുന്ന ഒരു ചിത്രം പങ്കുവെച്ചായിരുന്നു താരത്തിന്റെ തമാശ കലർന്ന കുറിപ്പ്.
ചിത്രത്തിനൊപ്പമുള്ള അടിക്കുറിപ്പ് ആരാധകരെ ചിരിപ്പിച്ചതോടൊപ്പം, മുമ്പ് ആസ്ട്രേലിയൻ വിമാനത്താവളത്തിൽ മുല്ലപ്പൂ കൈവശം വെച്ചതിന് നവ്യയ്ക്ക് പിഴ ലഭിച്ച സംഭവം വീണ്ടും ചർച്ചയിലേക്കെത്തിച്ചു.
“എവിടെ ആണോ എന്തോ.. തലയിൽ മുല്ലപ്പൂ ഇല്ലാത്തതുകൊണ്ട് ആസ്ട്രേലിയ പോകുവല്ല… ഹാപ്പി മടി പിടിച്ച ഡേ… ഈ ഫോട്ടോ ഏത് യാത്രയിലാണ് എടുത്തതെന്ന് ശരിക്കും ഓർമയില്ല. പക്ഷേ മുടിയിൽ മുല്ലപ്പൂ ഇല്ലാത്തതിനാൽ അത് ഓസ്ട്രേലിയൻ യാത്ര അല്ലെന്ന് ഉറപ്പാണ്…” — എന്നാണ് നവ്യയുടെ വൈറൽ പോസ്റ്റ്.
വിക്ടോറിയയിലെ മലയാളി അസോസിയേഷന്റെ ഓണാഘോഷ പരിപാടിയിൽ പങ്കെടുക്കാനെത്തിയപ്പോഴാണ്, 15 സെന്റിമീറ്റർ നീളമുള്ള മുല്ലപ്പൂ കൈവശം വെച്ചതിന് മെൽബൺ വിമാനത്താവള അധികൃതർ നവ്യയ്ക്ക് 1,980 ഡോളർ (ഏകദേശം 1.25 ലക്ഷം രൂപ) പിഴ ചുമത്തിയത്.
മുല്ലപ്പൂ കൊണ്ടുപോകുന്നത് നിയമവിരുദ്ധമാണെന്ന് അറിയില്ലായിരുന്നുവെന്നും, അറിവില്ലായ്മ ഒഴികഴിവല്ലെന്ന തിരിച്ചറിവോടെയാണ് പിഴ സ്വീകരിച്ചതെന്നും നവ്യ പിന്നീട് പറഞ്ഞിരുന്നു.
“ഞാൻ ചെയ്തത് നിയമവിരുദ്ധമായ കാര്യമായിരുന്നു, പക്ഷേ ഉദ്ദേശപൂർവമല്ല. തെറ്റ് തെറ്റുതന്നെയാണ്” — എന്നാണ് താരം ഓണപരിപാടിക്കിടെ തുറന്നു പറഞ്ഞത്.
വിക്ടോറിയയിലെ മലയാളി അസോസിയേഷന്റെ ഓണപ്പരിപാടിയിൽ പങ്കെടുക്കാനെത്തിയപ്പോഴാണ് നവ്യക്ക് പണി കിട്ടിയത്. ഓണപ്പരിപാടിയിൽ സംസാരിക്കവെ നവ്യ അനുഭവം പങ്കുവച്ചു.
15 സെന്റിമീറ്റർ നീളമുള്ള മുല്ലപ്പൂവാണ് തന്റെ പക്കൽ ഉണ്ടായിരുന്നതെന്ന് നവ്യ പറഞ്ഞു. 1,980 ഡോളർ (ഒന്നേകാൽ ലക്ഷത്തോളം രൂപ) പിഴ അടയ്ക്കാൻ ആവശ്യപ്പെട്ടു.
മുല്ലപ്പൂവ് കൊണ്ടുപോകാൻ പാടില്ല എന്ന നിയമം തനിക്ക് അറിയില്ലായിരുന്നു എന്നും നവ്യ വ്യക്തമാക്കിയിരുന്നു.
എന്നാൽ ഞാൻ ചെയ്തത് നിയമവിരുദ്ധമായ കാര്യമായിരുന്നു. അറിയാതെ ചെയ്ത തെറ്റ്. അറിവില്ലായ്മ ഒഴികഴിവല്ല എന്ന് എനിക്കറിയാം.
15 സെന്റിമീറ്റർ മുല്ലപ്പൂ കൊണ്ടുവന്നതിന് അധികൃതർ എന്നോട് 1,980 ഡോളർ (ഒന്നേകാൽ ലക്ഷത്തോളം രൂപ) പിഴ അടയ്ക്കാൻ ആവശ്യപ്പെട്ടു.
തെറ്റ് തെറ്റ് തന്നെയാണ് എന്ന് എനിക്കറിയാം. പക്ഷേ അത് മനഃപൂർവമായിരുന്നില്ല എന്നും നവ്യയം പറഞ്ഞിരുന്നു.
English Summary
Actress Navya Nair’s Instagram post joking that she isn’t traveling to Australia because she isn’t wearing jasmine flowers has gone viral.
