റഷ്യയിൽ കാണാതായ ഇന്ത്യൻ മെഡിക്കൽ വിദ്യാർത്ഥി മരിച്ച നിലയിൽ
ഉഫ സിറ്റി: റഷ്യയിലെ ഉഫ സിറ്റിയിൽ നിന്ന് 19 ദിവസം മുമ്പ് കാണാതായ ഇന്ത്യൻ മെഡിക്കൽ വിദ്യാർത്ഥി അജിത് സിങ് ചൗധരിയെ മരിച്ച നിലയിൽ.
വൈറ്റ് നദിയോട് ചേർന്നുള്ള അണക്കെട്ടിലാണ് മൃതദേഹം കണ്ടെത്തിയത്. റഷ്യൻ അധികാരികൾ മരണ വിവരം ഇന്ത്യയിലെ ബന്ധുക്കളെ അറിയിച്ചു.
നടിയും ഗായികയുമായ സുലക്ഷണ പണ്ഡിറ്റ് അന്തരിച്ചു; ഹൃദയാഘാതമാണ് മരണകാരണം
റഷ്യയിലെ ബഷ്‌കിർ സ്റ്റേറ്റ് മെഡിക്കൽ യൂണിവേഴ്സിറ്റിയിലെ മൂന്നാം വർഷ വിദ്യാർത്ഥി
രാജസ്ഥാനിലെ അൽവാറിനടുത്ത് ലക്ഷ്‌മൺഗഡിലെ കുഫുൻവാര സ്വദേശിയായ അജിത് സിങ്, റഷ്യയിലെ ബഷ്‌കിർ സ്റ്റേറ്റ് മെഡിക്കൽ യൂണിവേഴ്സിറ്റിയിൽ മൂന്നാം വർഷം മെഡിക്കൽ വിദ്യാർത്ഥിയായിരുന്നു.
ഒക്ടോബർ 19 മുതൽ കാണാതായ നില
ഒക്ടോബർ 19-നാണ് അജിത് അവസാനമായി കാണപ്പെട്ടത്. വാർഡന്റെ പക്കൽ നിന്ന് പാൽ വാങ്ങി വരാമെന്ന് സുഹൃത്തുക്കളോട് പറഞ്ഞ് ഇറങ്ങിയ വിദ്യാർത്ഥി പിന്നീട് മടങ്ങിവന്നില്ല.
കാണാതായതിന് ഒരുമണിക്കൂർ മുമ്പ് അമ്മയോടും സഹോദരിയോടും വീഡിയോ കോളിൽ സംസാരിച്ചിരുന്നു.
അടുത്ത മാസം നാട്ടിൽ വരാൻ വിദ്യാർത്ഥി നിശ്ചയിച്ചിരുന്നതായും കുടുംബം വ്യക്തമാക്കി.
മൊബൈൽ ഫോൺ, ജാക്കറ്റ് എന്നിവ നദീതീരത്ത് കണ്ടെത്തി
ഉഫയിലെ വൈറ്റ് നദീതീരത്ത് അജിതിന്റെ മൊബൈൽ ഫോൺ, ജാക്കറ്റ് എന്നിവ കണ്ടെത്തിയിരുന്നു.
പിന്നീട് അണക്കെട്ടിൽ കണ്ടെത്തിയ മൃതദേഹം സുഹൃത്തുക്കൾ തിരിച്ചറിഞ്ഞു. നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകും.
English Summary:
Ajit Singh Chaudhary, an Indian MBBS student missing since October 19 from Ufa City, Russia, was found dead in a dam near the White River. The 3rd-year Bashkir State Medical University student spoke to his mother and sister just an hour before he disappeared. Soon after, his friends found his jacket and mobile phone near the riverbank, which sparked a search in the area. Authorities later confirmed his death, and his friends identified the body. The family will bring him back to India once the formalities are completed.
