രാഹുൽ ഈശ്വർ അടക്കമുള്ളവർക്കെതിരെ കേസ്
കൊച്ചി: നടി റിനി ആന് ജോര്ജിനെ സാമൂഹിക മാധ്യമങ്ങളില് അധിക്ഷേപിച്ചെന്ന പരാതിയിൽ രാഹുൽ ഈശ്വർ അടക്കമുള്ളവർക്കെതിരെ കേസെടുത്ത് പോലീസ്.
രാഹുൽ ഈശ്വർ അടക്കം അഞ്ചു പേർക്കും ഓൺലൈൻ യുട്യൂബ് ചാനലുകൾക്കുമെതിരെയാണ് എറണാകുളം റൂറൽ സൈബർ പൊലീസ് കേസെടുത്തത്.
രാഹുല് മാങ്കൂട്ടത്തില് എംഎല്എക്കെതിരായ വെളിപ്പെടുത്തലിന് പിന്നാലെയാണ് ഇവർ നടി റിനി ആന് ജോര്ജിനെതിരെ അധിക്ഷേപ പരാമർശം നടത്തിയത്. തനിക്കെതിരെ സമൂഹ മാധ്യമങ്ങളിൽ നടക്കുന്ന അധിക്ഷേപങ്ങൾ ചൂണ്ടിക്കാട്ടി റിനി മുഖ്യമന്ത്രിക്ക് നൽകിയ പരാതിയെ തുടർന്നാണ് നടപടി.
അധിക്ഷേപകരമായ പരാമർശങ്ങൾ നടത്തിയിട്ടുള്ള ഓൺലൈൻ ചാനലുകളുടെ ലിങ്കുകൾ, യുട്യൂബ് ചാനലുകളുടെ വിലാസം എന്നിവയടക്കം പരാതിയിൽ ഉൾപ്പെടുത്തിയിട്ടുണ്ട്.
ജാമ്യമില്ലാ വകുപ്പായ ഐടി ആക്ടിലെ 67–ാം വകുപ്പും ബിഎൻഎസിലെ വകുപ്പുകളും ഉൾപ്പെടുത്തിയാണ് കേസ് രജിസ്റ്റർ ചെയ്തിരിക്കുന്നത്.
ഒരു ഓൺലൈൻ ചാനലിൽ റിനി നടത്തിയ വെളിപ്പെടുത്തലുകൾക്കു പിന്നാലെയായിരുന്നു രാഹുൽ മാങ്കൂട്ടത്തില് എംഎൽഎയ്ക്കെതിരെ നിരവധി ആരോപണങ്ങൾ ഉയർന്നു വന്നത്.
നടി ആരുടേയും പേരു പറഞ്ഞിരുന്നില്ലെങ്കിലും ഇതിനു പിന്നാലെ അവർക്കെതിരെ രൂക്ഷമായ സൈബർ ആക്രമണം നടക്കുകയായിരുന്നു.
മാലയിട്ട് മല ചവിട്ടി മാങ്കൂട്ടത്തിൽ
പത്തനംതിട്ട: ലൈെംഗികാരോപണ വിവാദങ്ങളിൽപെട്ട പാലക്കാട് എംഎൽഎ രാഹുൽ മാങ്കൂട്ടത്തിൽ ശബരിമലയിൽ.
ഇന്നലെ രാത്രിയിലാണ് രാഹുൽ പമ്പയിലെത്തിയത്. വൈകിട്ട് നട അടച്ചശേഷം പത്തുമണിയോടെയാണ് രാഹുൽ പമ്പയിലെത്തിയത്.
ഇവിടെ നിന്നും കെട്ടുനിറച്ച ശേഷം മലകയറാൻ ആരംഭിച്ചു. ഇന്നു പുലർച്ചെ സന്നിധാനത്ത് ദർശനം നടത്തിയ ശേഷം മലയിറങ്ങും എന്നാണ് സൂചന.
മണ്ഡലത്തിൽ വീണ്ടും സജീവമാകുന്നതിന്റെ മുന്നോടിയായാണ് ശബരിമല ദർശനം എന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്.
മണ്ഡലത്തിലെ രാഷ്ട്രീയ പ്രവർത്തനങ്ങൾക്ക് വീണ്ടും സജീവ തുടക്കം കുറിക്കാനൊരുങ്ങുന്നതിന്റെ മുന്നോടിയായാണ് ശബരിമല ദർശനം നടന്നതെന്ന് രാഷ്ട്രീയ വിലയിരുത്തലുകൾ സൂചിപ്പിക്കുന്നു.
നിയമസഭാ സമ്മേളനത്തിൽ നിന്നുള്ള വിട്ടുനിൽപ്പ്
അടുത്തിടെ ആരംഭിച്ച നിയമസഭാ സമ്മേളനത്തിന്റെ ആദ്യ ദിവസം മാത്രമാണ് രാഹുൽ മാങ്കൂട്ടത്തിൽ സഭയിൽ എത്തിയിരുന്നത്.
എന്നാൽ തുടർന്ന് നടന്ന സമ്മേളന ദിവസങ്ങളിൽ അദ്ദേഹം ഹാജരായിരുന്നില്ല. പാർട്ടിക്കുള്ളിലെ ശക്തമായ എതിർപ്പാണ് അദ്ദേഹത്തെ സഭയിൽ നിന്നും വിട്ടുനിർത്തിയത് എന്നാണ് റിപ്പോർട്ടുകൾ.
കോൺഗ്രസ് നേതൃത്വത്തിൽ നിന്നും, പ്രത്യേകിച്ച് പ്രതിപക്ഷ നേതാവ് വി.ഡി. സതീശന്റെ ഭാഗത്ത് നിന്നും കടുത്ത മുന്നറിയിപ്പുകൾ ഉണ്ടായിരുന്നുവെങ്കിലും, ആദ്യ ദിവസം തന്നെ അദ്ദേഹം സഭയിൽ എത്തിയിരുന്നു.
അന്ന് കൂടെയുണ്ടായിരുന്നത് നേമം ഷജീറയായിരുന്നു. എന്നാൽ ഇരുവരുടെയും സാന്നിധ്യം പാർട്ടിക്കുള്ളിൽ തന്നെ വലിയ വിമർശനങ്ങൾക്ക് വഴിവച്ചു.
പാർട്ടിക്കുള്ളിലെ സംഘർഷം
ലൈംഗികാരോപണ കേസുകൾ ഉയർന്നതിനു പിന്നാലെ കോൺഗ്രസ് പാർട്ടിക്കുള്ളിൽ രാഹുൽ മാങ്കൂട്ടത്തിൽ ശക്തമായ വിമർശനങ്ങൾക്ക് വിധേയനായി. പ്രതിപക്ഷ നേതൃനിര തന്നെ അദ്ദേഹത്തിനെതിരെ കടുത്ത നിലപാട് സ്വീകരിച്ചിരുന്നു.
ഇതിന്റെ പശ്ചാത്തലത്തിലാണ് അദ്ദേഹം നിയമസഭാ സമ്മേളനത്തിൽ നിന്ന് വിട്ടുനിന്നത്. എന്നാൽ മണ്ഡലത്തിൽ വീണ്ടും സജീവ രാഷ്ട്രീയ പ്രവർത്തനങ്ങൾക്ക് തുടക്കം കുറിക്കാൻ ശ്രമിക്കുന്നതിനിടയിൽ ശബരിമല ദർശനം ‘പുതിയ രാഷ്ട്രീയ സന്ദേശം’ നൽകുന്നതായാണ് വിലയിരുത്തൽ.
Summary: Actress Rini Ann George filed a complaint against Rahul Easwar and others alleging online abuse through social media. Based on the complaint, Ernakulam Rural Cyber Police registered a case against five individuals, including Rahul Easwar, and several YouTube channels.
