കേര വെളിച്ചെണ്ണ വില 529 രൂപ

സർക്കാർ വെളിച്ചെണ്ണയായ കേരക്ക് ഒറ്റദിവസം കൊണ്ട് വർധിച്ചത് 110 രൂപ. ഇപ്പോൾ ഒരു ലിറ്റർ കേര വെളിച്ചെണ്ണയുടെ വില 529 രൂപയാണ്. ഒരു മാസത്തിനിടെ നാലാം തവണയാണ് കേര വെളിച്ചെണ്ണയ്ക്ക് വില കൂട്ടിയത്. ബ്രാൻഡുകളുടെ വെളിച്ചെണ്ണയും നാടൻ വെളിച്ചെണ്ണയും ലീറ്ററിന് 420 – 480 രൂപയ്ക്കു കിട്ടുമ്പോഴാണു കേരയുടെ കുത്തനെയുള്ള വില വർധന. ഇതോടെ സംസ്ഥാനത്ത് ഏറ്റവും കൂടുതൽ വിലയുള്ള വെളിച്ചെണ്ണ കേരയുടേതായി.

ഇങ്ങനെ പോയാൽ ഇത്തവണ ഓണത്തിന് അടുക്കള ബജറ്റ് താളം തെറ്റും. ഓരോ ഓണത്തിനും 2500 ടണ്ണാണ് കേര വെളിച്ചെണ്ണയുടെ വിൽപ്പന. എന്നാൽ, വില സാധാരണക്കാരന് താങ്ങാനാകാത്ത നിലയിലെത്തിയതിനാൽ ഇക്കുറി ഉപഭോക്താക്കൾ മറ്റു ബ്രാൻഡുകളിലേക്ക് തിരിയും. പൊതുവിപണിയിലെ വെളിച്ചെണ്ണ വിലക്കയറ്റം പിടിച്ചു നിർത്താൻ സംവിധാനമൊരുക്കുമെന്ന് സർക്കാർ ഉറപ്പ് നില നിൽക്കെയാണ് സർക്കാർ ബ്രാൻഡ് കേര വെളിച്ചെണ്ണയുടെ വില കുതിച്ചുയർന്നിരിക്കുന്നത്.

ഓണത്തിന് വെളിച്ചെണ്ണ വില കിലോയ്ക്ക് 500 രൂപ കടന്നേക്കും

തിരുവനന്തപുരം: തേങ്ങയ്‌ക്കും വെളിച്ചെണ്ണയ്‌ക്കും വില കുതിച്ചുയരുകയാണ്. കേരളത്തിലാണെങ്കിൽ നാളികേര ഉല്പാദനം കൂപ്പുകുത്തിയ അവസ്ഥയിലും.ഓണക്കാലത്ത് വെളിച്ചെണ്ണ വില കിലോയ്ക്ക് 500 രൂപ കടക്കുമെന്നാണ് ഇപ്പോഴത്തെ ആശങ്ക.കൊപ്ര ക്ഷാമം അതിരൂക്ഷമായതിനെത്തുടർന്ന് ഇറക്കുമതി സാദ്ധ്യത തേടുകയാണ് കേരഫെഡ്.

ഇതിന് കേന്ദ്ര- സംസ്ഥാന സർക്കാരുകളുടെ അനുമതി വേണം.കഴിഞ്ഞവർഷം ഇതേ സമയത്ത് ഒരുകിലോ വെളിച്ചെണ്ണക്ക് 180 രൂപയും തേങ്ങയ്ക്ക് 32 രൂപയുമായിരുന്നു.ഇപ്പോൾ വെളിച്ചെണ്ണ വില 430- 470 രൂപയും തേങ്ങയ്‌ക്ക് വില 78-85 രൂപയുമായി.പാമോയിൽ, സൂര്യകാന്തി, സോയാബീൻ എണ്ണകളുടെ ഇറക്കുമതി നിയന്ത്രിക്കാൻ 2024 സെപ്തംബറിൽ കേന്ദ്രസർക്കാർ ഭക്ഷ്യ എണ്ണകളുടെ ഇറക്കുമതി ചുങ്കം 20 മുതൽ 32 ശതമാനം വരെ ഉയർത്തി. അതോടെ ഇവയുടെ വിലയും ഉയർന്നു.പിന്നാലെ വെളിച്ചെണ്ണയുടെ വില്പന കൂടുകയും വില കുത്തനെ വർദ്ധിക്കുകയും ചെയ്തു.

കാലാവസ്ഥാ വ്യതിയാനവും രോഗങ്ങളും കാരണം തമിഴ്‌നാട്ടിൽനിന്നുള്ള തേങ്ങ വരവ് കുറഞ്ഞതും കനത്തപ്രഹരമായി.കേരളത്തിൽ തെങ്ങുകൃഷിക്കായി കോടികളുടെ പദ്ധതി നടപ്പാക്കുന്നുണ്ടെങ്കിലും ഇതൊന്നുംഫലം കാണുന്നില്ല.

തെങ്ങിൻതോപ്പ് ഇല്ലാതായി

കൊമ്പൻ ചെല്ലി, ചെമ്പൻ ചെല്ലി എന്നിവയുടെ ആക്രമണവും കൂമ്പുചീയൽ. കാറ്റുവീഴ്‌ച തുടങ്ങിയ രോഗങ്ങളും കാരണം തെങ്ങുകൾക്ക് വ്യാപക നാശം സംഭവിച്ചിട്ടുണ്ട്.

കാലാവസ്ഥാവ്യതിയാനം കാരണം 20 ശതമാനംവരെ ഉല്പാദനം കുറഞ്ഞു

വെളിച്ചെണ്ണയിൽ മായം

രണ്ടാംതരം കൊപ്ര ശേഖരിച്ച് രാസപദാർഥങ്ങൾ ചേർത്ത് നിർമ്മിക്കുന്ന വെളിച്ചെണ്ണ കുറഞ്ഞ വിലയ്ക്ക് വിൽക്കുന്നതായി റിപ്പോർട്ടുണ്ട്.

പാരഫിൻ ഓയിൽ ഉൾപ്പെടെയുള്ളവ കലർത്തിയ ബ്രാൻഡുകളും വിപണിയിൽ

പിണ്ണാക്കിൽ നിന്നു വീണ്ടും എണ്ണ ഉത്പാദിപ്പിച്ച് നല്ല വെളിച്ചെണ്ണയിൽ ചേർത്തും വിൽക്കുന്നു .

രാസപദാർത്ഥങ്ങൾ ചേർത്തു ശുദ്ധീകരിക്കുന്നത് ഭക്ഷ്യയോഗ്യമല്ല.

മിനറൽ ഓയിൽ, സൺഫ്ളവർ ഓയിൽ ,കോട്ടൺ സീഡ് ഓയിൽ എന്നിവ കലർത്തുന്നു .

കൃഷി കേരളത്തിലും വിളവ് മറുനാട്ടിലും
1.കേരളം
നാളികേര കൃഷി – 7,65,840 ഹെക്ടർ
വാർഷിക ഉത്പാദനം – 5,522.71 ദശലക്ഷം
ഉത്പാദനക്ഷമത 7,211/ ഹെക്ടർ

തമിഴ്നാട്
കൃഷി – 4,92,610 ഹെക്ടർ
ഉല്പാദനം – 6,091.98 ദശലക്ഷം
ഉല്പാദന ക്ഷമത – 12,367/ ഹെക്ടർ
3.ആന്ധ്രപ്രദേശ്
കൃഷി – 1,07,370 ഹെക്ടർ
ഉല്പാദനം – 1,707.08 ദശലക്ഷം
ഉല്പാദന ക്ഷമത -15,899/ ഹെക്ടർ4. ഒഡീഷ
കൃഷി – 54,950 ഹെക്ടർ
ഉല്പാദനം -399.43 ദശലക്ഷം
ഉല്പാദന ക്ഷമത -7,269/ ഹെക്ടർ

ഉല്പാദന ക്ഷമതയിൽ കേരളം താഴേക്ക്വർഷം —————-ഉല്പാദന ക്ഷമത/ ഹെക്ടർ

2017 -18 —————– 10,472
2018-19 ——————- 10,097
2019-20 ——————– 9,175
2020 -21 ——————-9,030
2021 -22 ——————- 7,215
2022 -23 ——————-7,402
2023 -24 ——————–7,211

ENGLISH SUMMARY:

The price of “Kera” brand government coconut oil has surged by ₹110 in a single day, now costing ₹529 per litre. This marks the fourth price hike within a month. The sharp increase comes despite other branded and traditional coconut oils being available at ₹420 to ₹480 per litre. With this hike, Kera coconut oil has become the most expensive coconut oil brand in the state.