കാനം രാജേന്ദ്രൻ്റെ ഭാര്യയ്ക്കും മകനും പരിക്ക്
കോട്ടയം: മിനിലോറിയും കാറും കൂട്ടിയിടിച്ചുണ്ടായ അപകടത്തിൽ സിപിഐ മുൻ സംസ്ഥാന സെക്രട്ടറി കാനം രാജേന്ദ്രൻ്റെ ഭാര്യയ്ക്കും മകനും പരിക്കേറ്റു.
കോട്ടയം തലയോലപ്പറമ്പ് വടകര തോട്ടം ജംഗ്ഷന് സമീപം വെച്ചാണ് അപകടമുണ്ടായത്. കാനം രാജേന്ദ്രൻ്റെ ഭാര്യ വനജ രാജേന്ദ്രൻ (65) മകൻ സന്ദീപ് രാജേന്ദ്രൻ (42) എന്നിവർക്കാണ് പരിക്കേറ്റത്.
ഇന്ന് വൈകിട്ട് നാല് മണിയോടെയായിരുന്നു അപകടം. എറണാകുളത്തു നിന്നും തലയോലപ്പറമ്പിലേക്ക് ഗ്രാനൈറ്റ് കയറ്റി വന്ന മിനിലോറി എതിർ ദിശയിൽ വന്ന കാറിൽ ഇടിക്കുകയായിരുന്നു.
അപകടത്തിൽ കാറിൻ്റെ മുൻവശം പൂർണമായി തകർന്ന നിലയിലാണ്. അപകടത്തിൽ തലയ്ക്ക് സാരമായി പരിക്കേറ്റ രണ്ടുപേരെയും വൈറ്റിലയിലെ സ്വകാര്യ ആശുപത്രിയിൽ പ്രവേശിപ്പിച്ചു.
ഇരുവരുടെയും നില ഗുരുതരമല്ലെന്ന് ആശുപത്രി അധികൃതർ അറിയിച്ചു.
കാര് സ്റ്റാര്ട്ട് ചെയ്യുന്നതിനിടെ പൊട്ടിത്തെറിച്ചു; കുട്ടികള് ഉള്പ്പടെ നാലുപേര്ക്ക് പരിക്ക്
പാലക്കാട്: കാര് സ്റ്റാര്ട്ട് ചെയ്യുന്നതിനിടെ പൊട്ടിത്തെറിച്ച് അപകടം. കുട്ടികള് ഉള്പ്പടെ നാലുപേര്ക്ക് പരിക്കേറ്റു. മാരുതി 800 കാര് ആണ് പൊട്ടിത്തെറിച്ചത്.
പാലക്കാട് അത്തിക്കോട് സ്വദേശി മാര്ട്ടീന് മക്കളായ അലീന, ആല്ഫിന്, എന്മി എന്നിവര്ക്കാണ് പരിക്കേറ്റത്. കാറിലെ ഗ്യാസ് ചോര്ന്നതാണ് അപകടത്തിന് കാരണമെന്നാണ് പ്രാഥമിക നിഗമനം.
വീടിന് സമീപത്ത് നിര്ത്തിയിട്ട കാറില് കയറിയ കുട്ടികള് കീ ഇട്ടു തിരിച്ചതോടെയാണ് പൊട്ടിത്തെറി ഉണ്ടായത്. അപകടത്തിൽ ഒരാളുടെ നില ഗുരുതരമാണെന്നാണ് പുറത്തു വരുന്ന വിവരം.
പൊട്ടിത്തെറി കേട്ട് ഓടിയെത്തിയ നാട്ടുകാരാണ് കാറിൽ ഉണ്ടായിരുന്നവരെ ആശുപത്രിയില് എത്തിച്ചത്.
ചിത്രീകരണത്തിനിടെ സാഗര് സൂര്യയ്ക്ക് പരിക്ക്
കൊച്ചി: സിനിമാ ചിത്രീകരണത്തിനിടെയുണ്ടായ അപകടത്തിൽ നടന് സാഗര് സൂര്യയ്ക്ക് പരിക്ക്. ആക്ഷന് രംഗം ചിത്രീകരിക്കുന്നതിനിടെയാണ് അപകടമുണ്ടായത്.
എറണാകുളത്ത് ചിത്രീകരണം പുരോഗമിക്കുന്ന ഹൊറര്- കോമഡി എന്റര്ടെയ്നര് ചിത്രം ‘പ്രകമ്പന’ത്തിന്റെ ആക്ഷന് രംഗം ചിത്രീകരിക്കുന്നതിനിടയിലാണ് സംഭവം. പ്രാഥമിക ചികിത്സയ്ക്കായി സാഗറിനെ ആശുപത്രിയില് പ്രവേശിപ്പിച്ചു.
‘പ്രകമ്പന’ത്തിൽ അമീന്, അസീസ് നെടുമങ്ങാട്, മല്ലിക സുകുമാരന്, അനീഷ് ഗോപാല് തുടങ്ങിയവരും വേഷമിടുന്നുണ്ട്. ‘നദികളില് സുന്ദരി യമുന’ എന്ന ചിത്രത്തിനുശേഷം വിജേഷ് പാണത്തൂര് സംവിധാനം ചെയ്യുന്ന ചിത്രമാണ് ‘പ്രകമ്പനം’.
നവരസ ഫിലിംസിന്റെയും ലക്ഷ്മിനാഥ് ക്രിയേഷന്സിന്റെയും ബാനറില് ശ്രീജിത്ത്, സുധീഷ്, ബ്ലെസി എന്നിവര് ചേര്ന്നാണ് ചിത്രം നിര്മിക്കുന്നത്. സംവിധായകന് തന്നെയാണ് ‘പ്രകമ്പന’ത്തിന്റെ കഥയെഴുതിയിരിക്കുന്നത്.
തിരക്കഥയും സംഭാഷണവും ഒരുക്കിയിരിക്കുന്നത് നവാഗതനായ ശ്രീഹരി വടക്കന് ആണ്. ഹോസ്റ്റല് ജീവിതവും അതിന്റെ രസങ്ങളും പശ്ചാത്തലമായി വരുന്ന സിനിമയാണ് ‘പ്രകമ്പനം’.
കൊച്ചിയിലെ മെന്സ് ഹോസ്റ്റലും കണ്ണൂരും ആണ് ചിത്രത്തിന്റെ പശ്ചാത്തലം. ചിത്രത്തിന്റെ ഛായഗ്രഹണം ആല്ബി. എക്സിക്യൂട്ടീവ് പ്രൊഡ്യൂസര്: അഭിജിത്ത് നായര്, എഡിറ്റര്: സൂരജ് ഇ.എസ്, മ്യൂസിക് ഡയറക്ടര്: ബിബിന് അശോക്
പ്രൊഡക്ഷന് ഡിസൈന്: സുഭാഷ് കരുണ്, വരികള്: വിനായക് ശശികുമാര്, ചീഫ് അസോസിയേറ്റ് ഡയറക്ടര്: അംബ്രൂ വര്ഗീസ്, പ്രൊഡക്ഷന് കണ്ട്രോളര്: നന്ദു പൊതുവാള്, വസ്ത്രാലങ്കാരം: സുജിത്ത് മട്ടന്നൂര്, പ്രൊഡക്ഷന് എക്സിക്യൂട്ടീവ്: ശശി പൊതുവാള്
Summary: Former CPI State Secretary Kanam Rajendran’s wife and son were injured in a road accident involving a mini lorry and a car near Thalayolaparambu, Kottayam. The incident occurred near Vadakara Thottam Junction.
