അയർലണ്ടിൽ നിരവധി കുടുംബങ്ങൾ താമസിക്കുന്ന അപ്പാർട്മെന്റ് ബ്ലോക്കിന് തീവച്ച് അജ്ഞാതർ. വെള്ളിയാഴ്ച പുലർച്ചെ ഡബ്ലിൻ 15-ലെ Hansfield-ലുള്ള Station Road- ലെ അപാർട്മെന്റിന്റെ അണ്ടർഗ്രൗണ്ട് കാർ പാർക്കിൽ ആണ് അജ്ഞാതർ തീയിട്ടത്. തീപിടുത്തത്തിൽ നിരവധി കാറുകൾ കത്തി നശിച്ചു.
അപകടത്തെ തുടർന്ന് ഗാർഡയും എമർജൻസി സർവീസും എത്തി സമീപത്തെ നിരവധി കെട്ടിടങ്ങൾ ഒഴിപ്പിച്ചു. നിരവധി പേർക്ക് താത്കാലികമായി അപ്പാർട്മെന്റുകളിൽ താമസിക്കാൻ കഴിയാത്ത സാഹചര്യമാണ് നിലവിൽ ഉള്ളത്.
സംഭവത്തിൽ ആർക്കും പരിക്കില്ല എന്നാണ് അറിയുന്നത്. അന്വേഷണം ആരംഭിച്ച ഗാർഡ സംഭവത്തെ പറ്റി എന്തെങ്കിലും വിവരം ഉള്ളവർ ഏതെങ്കിലും ഗാർഡ സ്റ്റേഷനിലോ, താഴെ പറയുന്ന നമ്പറുകളിലോ അറിയിക്കണം എന്ന് അഭ്യർത്ഥിച്ചിട്ടുണ്ട്.
Blanchardstown Garda Station on (01) 6667000
Garda Confidential Line on 1800 666 111
