വാഷിങ്ടണ്: പന്ത്രണ്ട് രാജ്യങ്ങളില് നിന്നുള്ള പൗരന്മാര്ക്ക് യുഎസില് പൂര്ണ പ്രവേശന വിലക്ക് ഏര്പ്പെടുത്തി പ്രസിഡന്റ് ഡോണള്ഡ് ട്രംപ്.
അഫ്ഗാനിസ്ഥാന്, മ്യാന്മര്, ചാഡ്, റിപ്പബ്ലിക് ഓഫ് കോംഗോ, ഇക്വറ്റോറിയല് ഗിനിയ, എറിത്രിയ, ഹെയ്തി, ഇറാന്, ലിബിയ, സൊമാലിയ, സുഡാന്, യെമന് എന്നിവിടങ്ങളില് നിന്നുള്ളവര്ക്കാണ് അമേരിക്കയിൽ പ്രവേശനം പൂര്ണമായി വിലക്കിയിട്ടുള്ളത്.
ബറൂണ്ടി, ക്യൂബ, ലാവോസ്, സിയറ ലിയോണ്, ടോഗോ, തുര്ക്ക്മെനിസ്ഥാന്, വെനസ്വേല തുടങ്ങിയ 7 രാജ്യങ്ങളിലെ പൗരന്മാര്ക്ക് ഭാഗിക വിലക്ക് ഉള്പ്പെടെയുള്ള നിയന്ത്രണങ്ങളും കര്ശനമാക്കിയിട്ടുണ്ട്.
തീവ്രവാദ ബന്ധം, യുഎസ് കുടിയേറ്റ നിര്വ്വഹണ സംവിധാനങ്ങളുമായുള്ള നിസ്സഹകരണം, നിരീക്ഷണ സംവിധാനങ്ങളുടെ അപര്യാപ്ത എന്നിവ ചൂണ്ടിക്കാട്ടി ‘വളരെ ഉയര്ന്ന അപകടസാധ്യത’ ഉള്ള രാജ്യങ്ങള് എന്ന വിശേഷണമാണ് വിലക്കിന് വൈറ്റ് ഹൗസ് നല്കുന്ന വിശദീകരണം.
അമേരിക്കയെ സുരക്ഷതമാക്കാനുള്ള നടപടി എന്നാണ് ഡോണള്ഡ് ട്രംപ് പുതിയ നിയന്ത്രണത്തെ വിശേഷിപ്പിച്ചത്. ”അമേരിക്കയിലേക്കുള്ള പ്രവേശന വിലക്ക് പുനഃസ്ഥാപിക്കുകയാണ്,
ചിലര് ഇതിനെ ട്രംപ് യാത്രാ നിരോധനം എന്ന് വിളിക്കുന്നു, സുപ്രീം കോടതി ശരിവച്ച തീവ്ര ഇസ്ലാമിക ഭീകരരെ നമ്മുടെ രാജ്യത്തിന് പുറത്തുനിര്ത്തുമെന്നും ട്രംപ് വ്യക്തമാക്കുന്നു.
