മലപ്പുറം: നിലമ്പൂർ ഉപതെരഞ്ഞെടുപ്പിൽ വലതു മുന്നണി സ്ഥാനാർത്ഥി ആര്യാടൻ ഷൗക്കത്തിന്റെ പ്രചാരണത്തിനായി കോൺഗ്രസ് നേതാവ് പ്രിയങ്കാഗാന്ധി എംപി എത്തും.
വയനാട് എംപിയായ പ്രിയങ്കാഗാന്ധി ജൂൺ 9,10,11 തീയതികളിൽ മണ്ഡല പര്യടനത്തിനായി കേരളത്തിലെത്തുമെന്നാണ് റിപ്പോർട്ട്. ഈ ദിവസങ്ങളിലൊന്നിൽ പ്രിയങ്ക നിലമ്പൂരെത്തി ഷൗക്കത്തിന്റെ പ്രചാരണത്തിൽ പങ്കെടുക്കുമെന്നാണ് വിവരം.
ഒരു ദിവസം പൂർണമായും പ്രിയങ്കാഗാന്ധി ആര്യാടൻ ഷൗക്കത്തിനു വേണ്ടി പ്രചാരണത്തിന് ഇറങ്ങുമെന്നാണ് കോൺഗ്രസ് നേതാക്കൾ പറയുന്നു.
വയനാട് ലോക്‌സഭ മണ്ഡലത്തിന്റെ ഭാഗമാണ് നിലമ്പൂർ നിയമസഭാ മണ്ഡലം. പി വി അൻവർ രാജിവെച്ചതിനെത്തുടർന്നാണ് നിലമ്പൂരിൽ ഉപതെരഞ്ഞെടുപ്പ് പ്രഖ്യാപിച്ചിരിക്കുന്നത്.
ജൂൺ 19 നാണ് നിലമ്പൂരിൽ ഉപതെരഞ്ഞെടുപ്പ് നടക്കുന്നത്. 23 ന് വോട്ടെണ്ണൽ നടക്കും. യുഡിഎഫിന് വേണ്ടി ആര്യാടൻ ഷൗക്കത്തും, എൽഡിഎഫ് സ്ഥാനാർത്ഥിയായി എം സ്വരാജും മത്സരിക്കുന്നു.
ബിജെപി സ്ഥാനാർത്ഥിയായി അഡ്വ. മോഹൻ ജോർജും, സ്വതന്ത്രനായി പി വി അൻവറും മത്സരരംഗത്തുണ്ട്. എസ്ഡിപിഐ അടക്കം 14 സ്ഥാനാർത്ഥികളാണ് നിലമ്പൂരിൽ മത്സരരംഗത്തുള്ളത്.
