പത്തനംതിട്ട: പത്തനംതിട്ട എആർ ക്യാമ്പിൽ തോക്കിൽ നിന്ന് വെടിപൊട്ടി. എസ്ഐയുടെ സമയോചിതമായ ഇടപെടലിനെ തുടർന്ന് അപകടമൊഴിവായി. ഇന്ന് ഉച്ചയോടെയാണ് സംഭവം.
പണം കൊണ്ടുപോകുന്നതിന് കാവൽ പോകാനായി ഉപയോഗിക്കുന്ന തോക്ക് ലോഡ് ചെയ്ത വിവരം അറിയിക്കാതെ തോക്ക് ആർമർ എസ്ഐക്ക് കൈമാറുകയായിരുന്നു. തുടർന്ന് എസ്ഐ തോക്ക് പരിശോധിക്കുന്നതിനിടെയാണ് വെടിപൊട്ടിയത്.
എസ്ഐ തറയിലേക്ക് തോക്കുപിടിച്ച് ട്രിഗർ വലിച്ചപ്പോഴാണ് വെടി പൊട്ടിയത്. വെടി പൊട്ടിയതിനെ തുടർന്ന് തറ തുളഞ്ഞു. എസ്ഐ കൃത്യമായ രീതിയിൽ പരിശോധന നടത്തിയതുകൊണ്ടാണ് അപകടമൊഴിവായത്.
തോക്ക് ലോഡ് ചെയ്ത് വെച്ചത് അറിയാതെ മറ്റാരെങ്കിലും ഇത് ഉപയോഗിച്ചിരുന്നെങ്കിൽ വലിയ അപകടമുണ്ടാകുമായിരുന്നു.
3000 കോടി രൂപ വന്നിട്ടുണ്ട്, റിസർവ് ബാങ്കിൽ അടക്കാൻ 3 കോടി രൂപവേണം…തട്ടിപ്പുകേസിൽ മുതലമട സ്വാമി പിടിയിൽ
ചെന്നൈ: മുതലമട സ്നേഹം ചാരിറ്റബിൾ ട്രസ്റ്റ് ചെയർമാൻ സ്വാമി സുനിൽദാസ് അറസ്റ്റിൽ. മധുരയിൽ നിന്നാണ് സ്വാമി സുനിൽദാസിനെ അറസ്റ്റ് ചെയ്തത്.
കോയമ്പത്തൂർ വ്യവസായിയിൽ നിന്ന് 3 കോടി രൂപ തട്ടിയെന്ന പരാതിയിൽ ആണ്‌ അറസ്റ്റ് ചെയ്തിരിക്കുന്നത്. കോയമ്പത്തൂർ പൊലീസാണ് അറസ്റ്റ് ചെയ്തത്. മധുരയിലെ ഹോട്ടലിൽ നിന്നാണ് ഇയാളെ പിടികൂടിയത്.
3000 കോടി രൂപ ട്രസ്റ്റിന് അനുവദിച്ചിട്ടുണ്ടെന്നും റിസർവ് ബാങ്കിൽ അടക്കാൻ 3 കോടി രൂപ വേണമെന്നും പറഞ്ഞ് രാമനാഥൻ എന്നയാളെ കബളിപ്പിച്ചതായാണ് പരാതി.
സ്വാമി സുനിൽദാസ് പറഞ്ഞത് വിശ്വസിച്ച രാമനാഥൻ 1.57 കോടി രൂപ ബാങ്ക് അക്കൗണ്ടിലേക്കും, ബാക്കി 1.43 കോടി രൂപ പണമായും നൽകി. കുറച്ച് മാസങ്ങൾക്ക് ശേഷം, താൻ വഞ്ചിക്കപ്പെട്ടുവെന്ന് രാമനാഥൻ മനസ്സിലാക്കുകയായിരുന്നു.
പിന്നീട് സുനിൽ തന്റെ കോളുകൾ എടുക്കുന്നത് ഒഴിവാക്കിയെന്ന് രാമനാഥൻ പറയുന്നു. പിന്നീട് കോയമ്പത്തൂർ സിറ്റി ക്രൈം പോലീസിൽ പരാതി നൽകി.
റിസർവ് ബാങ്ക് ഓഫ് ഇന്ത്യ 3,170 കോടി രൂപ അനുവദിച്ചിട്ടുണ്ടെന്നും ഫണ്ട് ലഭിക്കാൻ 3 കോടി രൂപ ഫീസ് നൽകണമെന്നും സുനിൽ സ്വാമി രാമനാഥനോട് പറഞ്ഞു.
ഇയാളുടെ അവകാശവാദം തെളിയിക്കാൻ വ്യാജ കത്ത് ഹാജരാക്കി. അദ്ദേഹത്തെ മധുരയിലെ ഒരു ഹോട്ടലിൽ നിന്ന് ഇയാളെ അറസ്റ്റ് ചെയ്തു. ചൊവ്വാഴ്ച കോടതിയിൽ ഹാജരാക്കി ജുഡീഷ്യൽ കസ്റ്റഡിയിൽ വിട്ടു.
