കല്പ്പറ്റ: വയനാട്ടില് റിസോര്ട്ടിലെ ടെന്റ് തകര്ന്ന് വിനോദസഞ്ചാരിയായ യുവതിക്ക് ദാരുണാന്ത്യം. നിലമ്പൂര് അകമ്പാടം സ്വദേശി നിഷ്മയാണ് മരിച്ചത്.
മേപ്പാടി 900 കണ്ടിയിലാണ് സംഭവം നടന്നത്. 900 വെഞ്ചേഴ്സ് എന്ന റിസോര്ട്ടില് നിര്മ്മിച്ചിരുന്ന ടെന്റ് ആണ് തകര്ന്ന് വീണത്.
സംഭവത്തില് മൂന്നുപേര്ക്ക് പരിക്കേല്ക്കുകയും ചെയ്തു. 900 വെഞ്ചേഴ്സിന്റെ ടെന്റ് ഗ്രാമിലാണ് അപകടം നടന്നത്. മരത്തടികള് കൊണ്ട് നിര്മ്മിച്ച പുല്ലുമേഞ്ഞ ടെന്റാണ് തകര്ന്നുവീണത്.
വനമേഖലയോട് ചേര്ന്നുള്ള പ്രദേശമാണിത്. മഴ പെയ്ത് മേല്ക്കൂരയ്ക്ക് ഭാരം വന്ന് തകര്ന്നതാകാം എന്നാണ് പൊലീസിന്റെ പ്രാഥമിക നിഗമനം. മേപ്പാടി പൊലീസ് അന്വേഷണം ആരംഭിച്ചു.
