യുകെ മലയാളികൾക്ക് നൊമ്പരമേകി വീണ്ടും ഒരു മരണവാർത്ത പുറത്തുവരികയാണ്. യുകെയിലെ നോർവിച്ചിൽ മലയാളി നേഴ്സ് അന്തരിച്ചു. കോട്ടയം നീണ്ടൂർ മണ്ണാർക്കാട്ടിൽ മേരിക്കുട്ടി ജെയിംസ് (68) ആണ് വിടവാങ്ങിയത്. രോഗ ബാധിതയായി ചികിത്സയിലായിരുന്നു.
2004 ൽ യുകെയിലെത്തിയതാണ് മേരിക്കുട്ടിയും കുടുംബവും. തെരേസ ഓഫ് കൽക്കട്ട ക്നാനായ കാത്തലിക്ക് മിഷൻ അംഗമായിരുന്ന മേരിക്കുട്ടി ക്നാനായ കൂടാര യോഗങ്ങളിലും സജീവമായിരുന്നു. ഭർത്താവ് ജെയിംസ് നോർവിച്ച് അസ്സോസ്സിയേഷൻ ഫോർ മലയാളീസ് (NAM) സ്ഥാപക നേതാക്കളിലൊരായിരുന്ന മേരിക്കുട്ടി യുകെ മലയാളികൾക്കിടയിൽ ചിരപരിചിതയായിരുന്നു.
ഞീഴൂർ പാറയ്ക്കൽ കുടുംബാംഗമാണ് പരേത.ഭർത്താവ്: പരേതനായ നീണ്ടൂർ മണ്ണാർക്കാട്ടിൽ ജെയിംസ്. മക്കൾ: സഞ്ചു, സനു, സുബി. മരുമക്കൾ: അനൂജ,സിമി, ഹൃദ്യ.
സംസ്ക്കാരം പിന്നീട് നീണ്ടൂർ വി.മിഖായേൽ ക്നാനായ കത്തോലിക്കാ കുടുംബ കല്ലറയിൽ നടത്തും. മേരിക്കുട്ടിയുടെ വിയോഗത്തിൽ ന്യൂസ് 4 മീഡിയ ആദരാഞ്ജലികൾ അർപ്പിക്കുന്നു.
