ഇടുക്കി കട്ടപ്പനയിൽ വാഹന പരിശോധനക്കിടെ ഓട്ടോ ഡ്രൈവറും സുഹൃത്തും 200 ഗ്രാം കഞ്ചാവുമായി പിടിയിൽ. ഓട്ടോ ഡ്രൈവറായ പെരിയോൻകവല പുത്തൻപുരക്കൽ പ്രവീൺ (38) സുഹൃത്ത് പാണ്ടിമാക്കൽ ഷനോയി ഷാജി (42) എന്നിവരെയാണ് കട്ടപ്പന പോലീസ് അറസ്റ്റ് ചെയ്തത്. ഇരുവർക്കുമെതിരെ കേസെടുത്തു.
ഇടുക്കിയിൽ പാറക്കെട്ടിനുള്ളിൽ വാറ്റുകേന്ദ്രം തകർത്ത് എക്‌സൈസ്; പിടിച്ചെടുത്തത് വാറ്റിന് പാകമായ 200 ലിറ്റർ കോട: വീഡിയോ കാണാം
ഉടുമ്പൻചോല എക്‌സൈസ് സർക്കിൾ ഇൻസ്‌പെക്ടർക്ക് ലഭിച്ച രഹസ്യ വിവരത്തെ തുടർന്ന് ഷാഡോ ടീം നടത്തിയ പരിശോധനയിൽ വാറ്റിന് പാകമായ 200 ലിറ്റർ കോട കണ്ടെത്തി. ഉടുമ്പൻ ചോല വില്ലേജിൽ ആട്ടുപാറ- കരുണാകരം ഭാഗത്ത് രാംകോ ഏലം എസ്റ്റേറ്റിന് സമീപത്തുള്ള പാറക്കെട്ടിനുള്ളിൽ നിന്നുമാണ് കോട കണ്ടെടുത്തത്.
200 ലിറ്ററിന്റെ ബാരലിൽ ആണ് കോട സൂക്ഷിച്ചിരുന്നത്. വാറ്റുപകരണങ്ങളും കണ്ടെടുത്തു. ആരാണ് കോട സൂക്ഷിച്ചതെന്ന് അറിയാൻ സാധിച്ചിട്ടില്ല.കേസ് രജിസ്റ്റർ ചെയ്ത് അന്വേഷണം ആരംഭിച്ചു.
റെയ്ഡിൽ ഉടുമ്പഞ്ചോല എക്‌സ്സൈസ് സർക്കിൾ ഓഫീസിലെ അസിസ്റ്റന്റ് എക്‌സൈസ് ഇൻസ്‌പെക്ടർ ഗ്രേഡ് അസീസ് (ഗ്രേഡ്) , പ്രകാശ് ജെ,പ്രിവന്റീവ് ഓഫീസർ ശ്രീകുമാർ എസ്, സിവിൽ എക്‌സൈസ് ഓഫീസർമാരായ അരുൺ ശശി, അരുൺരാജ്, അരുൺ മുരളി, സിവിൽ എക്‌സൈസ് ഓഫീസർ (ഡ്രൈവർ) ഷിബു ജോസഫ് എന്നിവർ പങ്കെടുത്തു.
ഇടുക്കിയിൽ ആത്മഹത്യക്ക് ശ്രമിച്ച യുവതിയെ ആശുപത്രിയിൽ കൊണ്ടുപോകുമ്പോൾ കാർ മറിഞ്ഞു: ദുരൂഹത
ഇടുക്കി ചപ്പാത്തിന് സമീപം
കാർ മറിഞ്ഞ് രണ്ടു പേർക്ക് പരിക്ക്. ആലടി സ്വദേശി സുരേഷിൻ്റെ മാരുതി കാറാണ് മറിഞ്ഞത്.
ഒപ്പമുണ്ടായിരുന്ന പാമ്പനാർ സ്വദേശി നവീന എന്ന സ്ത്രീയെ കൊലപ്പെടുത്താനുള്ള ശ്രമമാണോ എന്ന സംശയത്തിലാണ് പോലീസ്. എന്നാൽ സ്ത്രീ ആത്മഹത്യ ചെയ്യാൻ ഗുളിക കഴിച്ചെന്നും ഇവരുമായി ആശുപത്രിയിൽ പോകുമ്പോൾ നവീന സ്റ്റിയറിങ്ങിൽ പിടിച്ചു തിരിച്ചപ്പോൾ കാർ മറിഞ്ഞതാണെന്നും സുരേഷ് പറയുന്നു.
നവീനയ്ക്ക് സാരമായി പരിക്കുണ്ട്. ഇവരെ ഉപ്പുതറ പോലീസ് കോട്ടയം മെഡിക്കൽ കോളേജ് ആശുപത്രിയിലേയ്ക്ക് കൊണ്ടുപോയി. സുരേഷിനും പരിക്കുണ്ട്.
