തിരുവനന്തപുരം : അടുക്കളകളെ ആശങ്കയിലാക്കരുതെന്ന്
കേരളാ ഡെമോക്രാറ്റിക് പാർട്ടി സംസ്ഥാന ട്രഷറർ പ്രദീപ് കരുണാകര പിള്ള ആവശ്യപ്പെട്ടു.
നിത്യോപയോഗ സാധനങ്ങളുടെ വിലവർധനയിലും വിവിധ നികുതിവർധനകളിലും വലയുന്നവരെ കൂടുതൽ ബുദ്ധിമുട്ടിക്കാനാണ് സർക്കാർ ശ്രമിക്കുന്നതെന്നും അദ്ദേഹം കുറ്റപ്പെടുത്തി.
പാചകവാതക വിലവർദ്ധനവിനെതിരെ
കേരള ഡെമോക്രാറ്റിക് പാർട്ടി ജില്ലാ പ്രസിഡൻറ് ശരൺ ജെ നായരുടെ അധ്യക്ഷതയിൽ നടന്ന
കപ്പ പുഴുങ്ങി പ്രതിഷേധ പരിപാടി
ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംസ്ഥാന വർക്കിങ് പ്രസിഡൻറ് കടകംപള്ളി സുകു , സംസ്ഥാന ജനറൽ സെക്രട്ടറി ലത മേനോൻ, സംസ്ഥാന സെക്രട്ടറി ദീപു രാധാകൃഷ്ണൻ, വനിതാ വിഭാഗം സംസ്ഥാന പ്രസിഡൻറ്
അഡ്വക്കേറ്റ് സുജാ ലക്ഷ്മി, സംസ്ഥാനകമ്മിറ്റി അംഗങ്ങളായ
ഷിബുലാൽ, സിയാദ് കരീം, പനവൂർ ഹസൻ, ജനറൽ സെക്രട്ടറിമാരായ ക്ലിൻറ് ആർ.പി,
ആറ്റിങ്ങൽ ശശി,വിജയകുമാരി, ഗഫൂർ, പ്രഭ ടീച്ചർ, സുനിൽ വെട്ടൂർ, എൻ ജെ ജോയ്, കോലി ചിറ രാജൻ, അരുൺ ചെറിയന്നൂര്, ജയലക്ഷ്മി, ചെമ്പകശ്ശേരി ചന്ദ്രബാബു, പോങ്ങനാട് ഷാജി തുടങ്ങിയ നേതാക്കൾ സംസാരിച്ചു .
