തൃശ്ശൂർ: കാണാതായ ആറ് വയസുകാരനെ മരിച്ച നിലയിൽ കണ്ടെത്തി. തൃശ്ശൂർ മാളയിലാണ് സംഭവം. താനിശ്ശേരി സെന്റ് സേവ്യേഴ്സ് സ്കൂള് യുകെജി വിദ്യാര്ത്ഥി ആബേല് ആണ് മരിച്ചത്.
തൊട്ടടുത്ത കുളത്തിൽ നിന്നാണ് കുഞ്ഞിന്റെ മൃതദേഹം കണ്ടെത്തിയത്. ആബേലിന്റെ മരണം കൊലപാതകമാണെന്ന് പൊലീസ് പറയുന്നു. സംഭവത്തിൽ 20 കാരനായ ജോജോ എന്നയാളെ കസ്റ്റഡിയിലെടുത്തിട്ടുണ്ട്. ഇയാളെ ചോദ്യം ചെയ്ത് വരികയാണെന്ന് പൊലീസ് അറിയിച്ചു.
ജോജോ പറഞ്ഞ പ്രകാരമാണ് കുളത്തില് നിന്നും മൃതദേഹം കണ്ടെത്തിയത്. ആബേലിനെ തള്ളിയിട്ടെന്ന് ഇയാള് പൊലീസിന് മൊഴി നല്കിയിരുന്നു. വീടിനു സമീപത്ത് സ്വർണ്ണപള്ള പാടശേഖരത്തിന് സമീപമുള്ള റോഡിന്റെ ഭാഗത്ത് നിന്നും ഇന്ന് വൈകിട്ട് 6.20 മുതലാണ് കുട്ടിയെ കാണാതായത്.
തുടർന്ന് നാട്ടുകാരും വീട്ടുകാരും ചേര്ന്ന് കുഞ്ഞിന് വേണ്ടി തെരച്ചില് നടത്തുകയായിരുന്നു. പിന്നാലെ രാത്രി ഒമ്പതരയോടെ വീടിനടുത്തുള്ള കുളത്തില് നിന്ന് കുട്ടിയുടെ മൃതദേഹം കണ്ടെത്തുകയായിരുന്നു.
