ലണ്ടനിൽ പത്തുവയസ്സുകാരിയായ മലയാളി പെൺകുട്ടിക്ക് വെടിയേറ്റു. പറവൂർ ഗോതുരുത്ത് സ്വദേശിയായ ലിസ്സെൽ മരിയക്കാണ് വെടിയേറ്റത്. ആനത്താഴത്ത് വിനയ, അജീഷ് ദമ്പതികളുടെ മകളാണ്. ഇന്നലെ വൈകിട്ട് ലണ്ടനിലെ ഹോട്ടലിൽ ഭക്ഷണം കഴിക്കുമ്പോഴാണ് ആക്രമണം ഉണ്ടായത്.

രണ്ട് വർഷത്തിലേറെയായി ബെർമിൻഹാമിലാണ് കുട്ടിയുടെ കുടുംബം താമസിക്കുന്നത്. ബൈക്കിൽ എത്തിയ അക്രമി സംഘം ഹോട്ടലിനോട് ചേർന്ന ജനലിന് നേരേ വെടിയുതിർക്കുകയായിരുന്നു. സംഭവ ശേഷം അക്രമികൾ ഓടി രക്ഷപ്പെട്ടു. കുട്ടിയുടെ തലയിൽ നെറ്റിയോട് ചേർന്ന് ആഴത്തിൽ മുറിവേറ്റിട്ടുണ്ട്. ആശുപത്രിയിൽ പ്രവേശിപ്പിച്ച കുട്ടിയെ ശസ്ത്രക്രിയക്ക് വിധേയമാക്കിയെങ്കിലും വെടിയുണ്ട പുറത്തെടുക്കാനായാട്ടില്ല. അതേസമയം കുടുംബത്തിന് തൊട്ടടുത്തിരുന്നയാളെയായിരുന്നു അക്രമി സംഘം ലക്ഷ്യമിട്ടതെന്നാണ് റിപ്പോർട്ട്.

Read Also: കണ്ടം ചെയ്യാനുള്ള കോച്ചുകൾ ഹോട്ടലാക്കാനൊരുങ്ങി ഇന്ത്യൻ റെയിൽവേ; വെറും ഹോട്ടലല്ല, അത്യാധുനിക സൗകര്യങ്ങളുള്ള ആഡംബര ഹോട്ടലുകൾ

Read Also: റദ്ദാക്കിയത് 930 ലോക്കൽ ട്രെയിനുകൾ; ഇന്ന് അർദ്ധരാത്രി മുതൽ ട്രെയിൻ സർവീസിന് നിയന്ത്രണം; യാത്രക്കാർ ശ്രദ്ധിക്കണമെന്ന് സെൻട്രൽ റെയിൽവേ

Read Also: തെരഞ്ഞെടുപ്പ് തോല്‍വി പേടിച്ച് മോദി ധ്യാനത്തിന് പോകും, പിണറായി വിദേശത്തും പോകും; പരിഹാസവുമായി കെ മുരളീധരന്‍