ഫ്രഷ് കട്ട് സമരം; ആരോപണങ്ങളുമായി കർഷക കോൺഗ്രസ്
താമരശ്ശേരിയിലെ അറവുമാലിന്യ സംസ്കരണ പ്ലാന്റായ ഫ്രഷ് കട്ടിനെതിരെ നടന്ന സമരവുമായി ബന്ധപ്പെട്ട് ഡിഐജി യതീഷ് ചന്ദ്രക്കെതിരെ ഗുരുതര ആരോപണങ്ങളുമായി കർഷക കോൺഗ്രസ്.
സമരത്തെ അക്രമാസക്തമാക്കാനും പ്ലാൻ്റ് ഉടമകൾക്ക് അനുകൂലമായ രീതിയിൽ സംഭവങ്ങൾ നീങ്ങാനും യതീഷ് ചന്ദ്ര ഗൂഢാലോചന നടത്തിയെന്നാണ് കർഷക കോൺഗ്രസിന്റെ ആരോപണം.
കോഴിക്കോട് ജില്ലാ പ്രസിഡന്റ് മുഖ്യമന്ത്രിക്കും ഡിജിപിക്കും നൽകിയ പരാതിയിലാണ് ആരോപണങ്ങൾ ഉന്നയിച്ചിരിക്കുന്നത്.
ആറു വർഷമായി സമാധാനപരമായി തുടരുന്ന സമരം അടുത്തിടെ അക്രമാസക്തമായതോടെ പോലീസ് ഇടപെടൽ ഉണ്ടായി.
പ്ലാൻ്റ് തുറന്ന് പ്രവർത്തിക്കാനുള്ള അനുമതി ജില്ലാ ഭരണകൂടം കർശന ഉപാധികളോടെ നൽകിയതും, പോലീസ് സംരക്ഷണം വാഗ്ദാനം ചെയ്തതുമാണ് സംഘർഷത്തിന് കാരണമായത്.
ഫ്രഷ് കട്ട് ഉടമകളുമായി ഡിഐജിക്ക് വഴിവിട്ട ബന്ധമുണ്ടെന്നും സമരം തകർക്കാനായി ഇരുവരും ചേർന്ന് ഗൂഢാലോചന നടത്തിയെന്നും പരാതിയിൽ പറയുന്നു.
പോലീസ് സംരക്ഷണത്തോടെ പ്ലാൻ്റ് പ്രവർത്തിപ്പിക്കാനുള്ള നീക്കം ഈ ഗൂഢാലോചനയുടെ ഭാഗമാണെന്നും കർഷക കോൺഗ്രസ് ആരോപിച്ചു.
ഡിഐജി യതീഷ് ചന്ദ്ര സമരസമിതിയെ “സ്ത്രീകളെയും കുട്ടികളെയും മനുഷ്യകവചമാക്കി ഉപയോഗിക്കുന്നു” എന്ന് ആരോപിച്ചിരുന്നുവെങ്കിലും, അത് പച്ചക്കള്ളമാണെന്നും സമരസമിതി പ്രതികരിച്ചു.
ജനകീയ സമരം അടിച്ചമർത്താനുള്ള ശ്രമമാണ് ഡിഐജിയുടെ നീക്കമെന്നും അവർ ആരോപിച്ചു.
കൂടാതെ, സംഘർഷത്തിന് പിന്നാലെ യതീഷ് ചന്ദ്ര താമരശ്ശേരിയിൽ ക്യാമ്പ് ചെയ്ത് നിരപരാധികളുടെ വീടുകളിലേക്കും പോലീസ് സംഘം കയറി ഭീഷണിപ്പെടുത്തിയെന്നും പരാതിയിൽ പറയുന്നു.
ജില്ലാ ഭരണകൂടം നൽകിയ ഉപാധികൾ പ്രകാരം, പ്ലാൻ്റിലെ പ്രതിദിന മാലിന്യ സംസ്കരണം 25 ടണ്ണിൽ നിന്ന് 20 ടണ്ണായി കുറയ്ക്കണം,
പഴകിയ അറവ് മാലിന്യങ്ങൾ ഒഴിവാക്കി പുതിയത് മാത്രം സംസ്കരിക്കണം, ദുര്‍ഗന്ധം കുറയ്ക്കാൻ രാത്രി പ്രവർത്തനം നിർത്തിവെക്കണമെന്നും നിർദ്ദേശമുണ്ട്.
എന്നാൽ സമരസമിതി ഈ ഉപാധികൾ അംഗീകരിക്കാൻ തയ്യാറല്ലെന്ന് വ്യക്തമാക്കി. ഫ്രഷ് കട്ട് പ്ലാൻ്റ് പൂർണ്ണമായും അടച്ചുപൂട്ടും വരെ സമരം തുടരുമെന്ന് അവർ ഉറപ്പിച്ചു.
അതേസമയം, സമരത്തിനിടെ ഉണ്ടായ സംഘർഷവുമായി ബന്ധപ്പെട്ട് ഡിവൈഎഫ്ഐ ബ്ലോക്ക് പ്രസിഡന്റും ബ്ലോക്ക് പഞ്ചായത്തംഗവുമായ മെഹ്റൂഫ് ഉൾപ്പെടെ 300-ലധികം പേരെതിരെ പോലീസ് കേസ് രജിസ്റ്റർ ചെയ്തിട്ടുണ്ട്.
English Summary:
The Farmers’ Congress has accused DIG Yatheesh Chandra of conspiring to turn the protests against the Fresh Cut meat waste treatment plant in Thamarassery violent, allegedly to benefit the plant’s owners. The group has filed a complaint with the Chief Minister and DGP, demanding an inquiry into the DIG’s role. Protesters claim police are working hand in glove with the plant owners to suppress a six-year-long peaceful agitation.
The district administration recently allowed the plant to reopen under strict conditions, which protesters refused to accept, vowing to continue until it is completely shut down. Meanwhile, police have filed cases against over 300 people, including DYFI leader Mehroof, following the clashes.
yatheesh-chandra-freshcut-protest-controversy
Yatheesh Chandra, Thamarassery, Fresh Cut Plant, Farmers Congress, Kerala Police, Waste Treatment, Protest, Kozhikode, Kerala Politics
