ചെന്നൈ: ഭർതൃമാതാവിന് ഉറക്ക ഗുളിക നൽകിയ ശേഷം പെട്രോൾ ഒഴിച്ച്, തീകൊളുത്തി കൊലപ്പെടുത്തിയ യുവതിയെയും കാമുകനെയും പിടികൂടി പോലീസ്. വില്ലുപുരം കണ്ടമംഗളം സ്വദേശി റാണി ആണ് കൊല്ലപ്പെട്ടത്. ഇവരുടെ മകന്റെ ഭാര്യ ശ്വേത (23), കാമുകൻ സതീഷ് എന്നിവരാണ് അറസ്റ്റിലായത്. (woman and her boyfriend who killed her mother-in-law have been arrested)
ശ്വേതയും സതീഷും തമ്മിലുള്ള ബന്ധം ചോദ്യംചെയ്തതിനെ തുടർന്നാണു റാണിയെ ഇരുവരും ചേർന്ന് കൊലപ്പെടുത്തിയതെന്നാണ് പൊലീസ് നൽകുന്ന വിവരം. ഹോട്ടലിൽനിന്നു വാങ്ങിയ ഫ്രൈഡ്റൈസിൽ ഉറക്കഗുളിക ചേർത്ത ശ്വേത, അതു റാണിക്കു നൽകുകയായിരുന്നു. തുടർന്ന് റാണി ഉറങ്ങിയ ശേഷം പെട്രോളുമായി സതീഷ് എത്തുകയും തീ കൊളുത്തുകയുമാണ് ചെയ്തത്.
80 ശതമാനത്തിലേറെ പൊള്ളലേറ്റ നിലയിൽ റാണിയെ പുതുച്ചേരി ജിപ്മെറിൽ പ്രവേശിപ്പിച്ചിരിക്കുകയായിരുന്നു. റാണിയുടെ മരണത്തിൽ സംശയം തോന്നിയ ഇളയ മകൻ നൽകിയ പരാതിയിലാണു പൊലീസ് അന്വേഷണം നടത്തിയത്.
കൂളിയങ്കാലിൽ യുവാക്കൾ ചേരിതിരിഞ്ഞ് ഏറ്റുമുട്ടി; അടിച്ചോടിക്കുന്നതിനിടെ ലാത്തി പൊട്ടി; പൊട്ടിയ ലാത്തിയെടുത്ത് പോലീസിനെ ആക്രമിച്ച് യുവാവ്; കണ്ണിന് പരുക്കേറ്റ ഇൻസ്പെക്ടർ ആശുപത്രിയിൽ ചികിത്സയിൽ
