മാളികപ്പുറം സിനിമയിലെ കല്ലുവെന്ന കല്യാണിയായി തിളങ്ങിയ ദേവനന്ദയ്ക്കു നിരവധി ആരാധകരുണ്ട്.
സ്കൂൾ കലോത്സവത്തിൽ അതിഥിയായി പങ്കെടുക്കാൻ ദേവനന്ദ എത്തിയപ്പോഴാണ് ആൾക്കൂട്ടത്തിനിടയിൽ നിന്ന് അപ്രതീക്ഷിതമായി വയോധികൻ വരുന്നതും കാലിൽ തൊട്ടു വന്ദിക്കുന്നതും.
സിനിമാ താരമായതുകൊണ്ടല്ല, ആ കുട്ടിയെ മാളികപ്പുറമായി സങ്കൽപ്പിച്ചാണു കാൽ തൊട്ടു വന്ദിച്ചത് എന്നാണ് കാൽതൊട്ട് വന്ദിച്ചയാൾ പറഞ്ഞത്.
വീഡിയോ വൈറലായതിനു പിന്നാലെ അനുകൂലിച്ചും പ്രതികൂലിച്ചുമുള്ള നിരവധി കമന്റുകളാണ് സോഷ്യൽ മീഡിയയിൽ വരുന്നത്.
സാക്ഷര കേരളം എന്ന് നാം സ്വയം അഹങ്കരിക്കുകയും അതിലുപരി അഭിമാനിക്കുകയും ചെയ്യുന്നവരാണ് നമ്മള്‍ ഇതൊക്കെ കാണുപ്പോള്‍ കേരളം നാണിച്ചു തല താഴ്ത്തും എന്നുള്ള കമന്റുകളാണ് സോഷ്യൽ മീഡിയയിൽ ഉയരുന്നത്.
തൊട്ടപ്പന്‍ എന്ന ചിത്രത്തിലൂടെയാണ് ദേവനന്ദ സിനിമയിലേക്ക് വരുന്നത്. മൈ സാന്റ, മിന്നല്‍ മുരളി, ആറാട്ട്, 2018, അരണ്‍മനൈ 4, ഗു എന്നിവയാണ് ദേവനന്ദയുടെ മറ്റ് സിനിമകള്‍
