തൃശൂര്: വയനാട് ഉരുൾപൊട്ടൽ ദുരന്തത്തിന്റെ പശ്ചാത്തലത്തിൽ തൃശ്ശൂരിലെ പുലികളിയും കുമ്മാട്ടിക്കളിയും ഒഴിവാക്കി. ഇതോടൊപ്പം ഡിവിഷൻ തല ഓണാഘോഷവും നടത്തേണ്ടതില്ലെന്ന് തൃശൂര് കോര്പ്പറേഷൻ യോഗം തീരുമാനിച്ചു. വയനാട് ദുരന്തത്തിന്റെ പശ്ചാത്തലത്തില് പുലിക്കളിയും കുമ്മാട്ടിക്കളിയും ഉള്പ്പെടെയുള്ള ഓണാഘോഷങ്ങള് ഒഴിവാക്കാൻ ഇന്ന് ചേര്ന്ന കോര്പ്പറേഷൻ സ്റ്റാന്ഡിങ് കമ്മിറ്റി യോഗത്തിലാണ് തീരുമാനിച്ചത്. (Wayanad disaster; Thrissur corporation decided to cancel pulikkali and kummatikkali in this year)
വിവിധ രാഷ്ട്രീയ കക്ഷി നേതാക്കളും യോഗത്തില് പങ്കെടുത്തു. ഈ വര്ഷം സെപ്റ്റംബര് 18നായിരുന്നു പുലിക്കളി നടക്കേണ്ടിയിരുന്നത്. സെപ്റ്റംബര് 16,17 തീയതികളിലായിരുന്നു കുമ്മാട്ടിക്കളിയും നടക്കേണ്ടിയിരുന്നത്. പുലികളിക്കും കുമ്മാട്ടിക്കളിയ്ക്കുമുള്ള ഒരുക്കങ്ങളെല്ലാം നടത്തിയിരുന്നു. എന്നാല്, കേരളം ഇന്നുവരെ കണ്ടതില് വെച്ച് ഏറ്റവും വലിയ ദുരന്തങ്ങളിലൊന്ന് വയനാട്ടിലുണ്ടായ സാഹചര്യത്തില് ആഘോഷപരിപാടികള് ഒഴിവാക്കാൻ കൂട്ടായ തീരുമാനം എടുക്കുകയായിരുന്നുവെന്ന് കോര്പ്പറേഷൻ അധികൃതര് വ്യക്തമാക്കി.
വര്ഷംതോറം നടക്കാറുള്ള പുലിക്കളി കാണാനായി വിവിധയിടങ്ങളില് നിന്നുള്ള പതിനായിരങ്ങളാണ് എത്താറുള്ളത്.
സർക്കിൾ ഇൻസ്പെക്ടറിന് പഴുതാര ബിരിയാണി വിളമ്പിയ ഹോട്ടൽ അടച്ചു പൂട്ടി; ഭക്ഷ്യസുരക്ഷാ വകുപ്പ് നടത്തിയ പരിശോധനയിൽ കണ്ടെത്തിയത് ഗുരുതര നിയമലംഘനം
