ഫോണില്ല, കറന്റില്ല, കാപ്പി വടിയും വാക്കത്തിയും കൂട്ട്; ഒളിവുകാലം വെളിപ്പെടുത്തി ‘വെള്ളത്തിലാശാൻ’

ഫോണില്ല, കറന്റില്ല, കാപ്പി വടിയും വാക്കത്തിയും കൂട്ട്; ഒളിവുകാലം വെളിപ്പെടുത്തി ‘വെള്ളത്തിലാശാൻ’

2021ൽ പൂഞ്ഞാർ സെന്റ് മേരീസ് പള്ളിക്കു മുന്നിൽ രൂപപ്പെട്ട വെള്ളക്കെട്ടിലൂടെ കെ.എസ്.ആർ.ടി.സി ബസ് ഓടിച്ച് വിവാദമായ ഡ്രൈവർ ജയദീപ്, ‘വെള്ളത്തിലാശാൻ’ എന്ന പേരിൽ സോഷ്യൽ മീഡിയയിൽ വീണ്ടും ശ്രദ്ധ നേടുന്നു.

സംഭവത്തിന് പിന്നാലെ കേസെടുത്തതോടെ താൻ ഒളിവിൽ കഴിഞ്ഞ സ്ഥലത്തെ കുറിച്ചാണ് ജയദീപ് ഇപ്പോൾ വെളിപ്പെടുത്തിയത്.

ഈരാറ്റുപേട്ട ഡിപ്പോയിലെ ഡ്രൈവറായിരുന്ന ജയദീപ്, ശക്തമായ മഴയെ തുടർന്ന് രൂപപ്പെട്ട വെള്ളക്കെട്ടിലൂടെ ബസ് മുന്നോട്ട് എടുത്തതിനെ തുടർന്ന് യാത്രക്കാരുടെ ജീവന് ഭീഷണി സൃഷ്ടിച്ചുവെന്നാരോപിച്ച് സസ്പെൻഡ് ചെയ്യപ്പെട്ടിരുന്നു.

തുടർന്ന് ‘വെള്ളത്തിലാശാൻ’ എന്ന പേരാണ് ഇയാൾ സ്വയം സ്വീകരിച്ചത്.

കേസെടുത്തതോടെ താൻ കുടകിലെ ഒരു ഒറ്റപ്പെട്ട സ്ഥലത്തേക്ക് ഒളിവിൽ പോയിരുന്നുവെന്ന് ജയദീപ് പറയുന്നു. അവിടെ വൈദ്യുതി, ഫോൺ, ഗ്യാസ്, കിണർ എന്നിവ ഒന്നും ഉണ്ടായിരുന്നില്ലെന്നും മുറികൾക്ക് കതക് പോലും ഇല്ലാത്ത ഇടത്താണ് കഴിഞ്ഞതെന്നും അദ്ദേഹം പറഞ്ഞു.

ഒരു ബാറ്ററി ടോർച്ച്, വാക്കത്തി, കാപ്പി വടി എന്നിവ മാത്രമാണ് കൈവശമുണ്ടായിരുന്നതെന്നും ജയദീപ് വ്യക്തമാക്കി.

സംഭവദിവസം ഈരാറ്റുപേട്ട-പൂഞ്ഞാർ റൂട്ടിൽ, ശക്തമായ മഴയെ തുടർന്ന് പള്ളിക്ക് സമീപം വെള്ളക്കെട്ട് രൂപപ്പെട്ടിരുന്നു. അധികം വെള്ളമില്ലെന്ന വിലയിരുത്തലിൽ ജയദീപ് ബസ് മുന്നോട്ട് എടുത്തു.

ചെറിയ വാഹനങ്ങൾ കടന്നുപോകാൻ ഇടവേള നൽകി ബസ് നിർത്തിയപ്പോഴാണ് മീനച്ചിലാറ്റിൽ നിന്ന് വെള്ളം ഇരച്ചെത്തി ബസ് നിലച്ചത്.

ബസ് സ്റ്റാർട്ട് ആകാതിരുന്നതോടെ നാട്ടുകാർ ഇടപെട്ട് യാത്രക്കാരെ സുരക്ഷിതസ്ഥാനത്തേക്ക് മാറ്റി. പിന്നീട് വടം ഉപയോഗിച്ച് ബസ് വെള്ളത്തിൽ നിന്ന് പുറത്തെടുത്തു.

മീനച്ചിലാറ്റിലെ തടയണ ഉയർത്തി നിർമ്മിച്ചതിന് പിന്നാലെയാണ് ഈ ഭാഗത്ത് വെള്ളക്കെട്ട് രൂക്ഷമായതെന്നാണ് നാട്ടുകാരുടെ ആരോപണം.

English Summary

Jayadeep, a former KSRTC driver who went viral in 2021 after driving a bus through floodwaters near Poonjar St. Mary’s Church, has revealed where he went into hiding after a case was registered against him. Suspended for allegedly endangering passengers, he later adopted the nickname “Vellathil Aashan.” He claims he stayed in a remote area in Coorg without electricity or basic facilities. During the incident, heavy rain caused flooding on the road, and the bus got stranded after water gushed in from the Meenachil river. Locals later rescued the passengers and pulled the bus out.

vellathil-aashan-jayadeep-reveals-hideout-ksrtc-case

KSRTC, Jayadeep, Vellathil Aashan, Poonjar Incident, Kerala News, Viral Story