അയർലൻഡിലെ ആദ്യകാല മലയാളി കുടിയേറ്റക്കാരിൽ പ്രമുഖനായിരുന്ന വർഗീസ് അട്ടാശ്ശേരിൽ അന്തരിച്ചു
നോർത്തേൺ അയർലൻഡിലെ ആദ്യകാല മലയാളി കുടിയേറ്റക്കാരിൽ പ്രമുഖനായിരുന്ന ഡൗൺപാട്രിക് സ്വദേശി വർഗീസ് അട്ടാശ്ശേരിൽ (തങ്കച്ചൻ) അന്തരിച്ചു.
ബെൽഫസ്റ്റ് സിറ്റി ഹോസ്പിറ്റലിൽ ചികിത്സയിൽ കഴിയവെയായിരുന്നു അന്ത്യം സംഭവിച്ചത്. ഏറെക്കാലമായി തൈറോയ്ഡ് സംബന്ധമായ അസുഖങ്ങൾക്ക് ചികിത്സ തേടിയിരുന്ന അദ്ദേഹത്തിന് അടുത്തിടെ കാൻസർ സ്ഥിരീകരിച്ചിരുന്നു.
ഇതിനെത്തുടർന്ന് ആരോഗ്യനില വഷളാവുകയും മരണം സംഭവിക്കുകയുമായിരുന്നു. തൃശൂർ പട്ടിക്കാട് ചെറുവള്ളി കുടുംബാംഗമായ റീനയാണ് വർഗീസിന്റെ ഭാര്യ.
ഡയാന, ആഷ്ലിൻ, ഐറിൻ എന്നിവരാണ് മക്കൾ. നോർത്തേൺ അയർലൻഡിലെ ആദ്യകാല മലയാളി സാന്നിധ്യമായിരുന്നു അദ്ദേഹം.
പ്രവാസി സമൂഹത്തിനിടയിൽ ഏറെ ബഹുമാനിക്കപ്പെട്ടിരുന്ന വ്യക്തിത്വമായിരുന്നു അദ്ദേഹം. അദ്ദേഹത്തിന്റെ സംസ്കാര ചടങ്ങുകൾ പിന്നീട് ഡൗൺപട്രിക്കിൽ വെച്ച് നടത്തുന്നതാണ്.
