സ്ഥാനാർഥി പട്ടികയിൽ അപ്രതീക്ഷിത മാറ്റങ്ങളുമായി കോൺഗ്രസ്. ആലപ്പുഴയിൽ വേണുഗോപാൽ മത്സരിക്കുന്നില്ലെങ്കിൽ രാഹുൽ മങ്കൂട്ടത്തിൽ സ്ഥാനാർത്ഥിയാകും. തൃശ്ശൂരിൽ ടി എൻ പ്രതാപന് പകരം കെ മുരളീധരനെയും വടകരയിൽ ഷാഫി പറമ്പിലിനെയും പരിഗണിക്കുന്നുണ്ട്. തൃശൂരിൽ ബിജെപിയുടെ താര സ്ഥാനാർത്ഥിയായ സുരേഷ് ഗോപി മത്സരിക്കുന്ന സാഹചര്യത്തിലാണ് കരുത്തുറ്റ എതിരാളി എന്ന നിലയിൽ കെ മുരളീധരനെ മത്സരിപ്പിക്കാൻ കോൺഗ്രസ് ഒരുങ്ങുന്നത്. അപ്രതീക്ഷിത പേരുകൾ പട്ടികയിൽ ഉണ്ടാകുമെന്ന് കെ സുധാകരൻ പറഞ്ഞിരുന്നു.
ആലപ്പുഴയിൽ വേണുഗോപാൽ മത്സരിക്കണമെന്നാണ് നേതൃത്വത്തിന്റെ താല്പര്യമെങ്കിലും ചുമതലകളുടെ ആധിക്യം നിമിത്തം അദ്ദേഹം മാറിനിന്നാൽ രാഹുൽ മാങ്കൂട്ടത്തിൽ മത്സരിക്കും. വടകരയിൽ ഷാഫി മത്സരിച്ചാൽ മുസ്ലിം വോട്ടുകൾ പെട്ടിയിലാക്കാം എന്ന കണക്കുകൂട്ടലാണ് നേതൃത്വത്തിലുള്ളത്.
