കണ്ണൂര്: ദേശീയപാതയിൽ നിര്ത്തിയിട്ട കാറിനു പിന്നില് ബൈക്ക് ഇടിച്ച് അപകടം. രണ്ട് യുവാക്കള് മരിച്ചു. ചെറുകുന്ന് കൃസ്തുകുന്ന് സ്വദേശി കൊയിലേരിയന് ജോയല് ജോസഫ് (23), ചെറുകുന്ന് പാടിയില് നിരിച്ചന് ജോമോന് ഡൊമനിക്ക് (23) എന്നിവരാണ് മരിച്ചത്. പുലര്ച്ചെ 1.30 ന് തളിപ്പറമ്പ് നഗരത്തിന് സമീപം ദേശീയ പാതയിലാണ് അപകടം നടന്നത്.
ദേശീയപാതയിൽ വീടിനു മുന്പില് നിര്ത്തിയിട്ട കാറിനു പിന്നിലായി യുവാക്കൾ സഞ്ചരിച്ച ബൈക്ക് ഇടിക്കുകയായിരുന്നു. ഇടിയുടെ ആഘാതത്തില് പത്ത് അടിയോളം മുന്നോട്ടു നീങ്ങിയ കാര് ഓവുചാലിലേക്ക് മറിഞ്ഞു. ബൈക്ക് ഓടിച്ചയാള് യുവാക്കള് സമീപത്തും പിറകില് സഞ്ചരിച്ച 25 അടിയോളം ദൂരത്തേക്ക് തെറിച്ചു വീഴുകയായിരുന്നു.
ഇരുവരും സംഭവസ്ഥലത്ത് വച്ചുതന്നെ മരിച്ചതായാണ് വിവരം.
Read Also: സൈനിക വാഹനത്തിനു മുകളിലേക്ക് കല്ല് പതിച്ച് മലയാളി സൈനികന് ദാരുണാന്ത്യം; മരിച്ചത് ഫറോക്ക് സ്വദേശി
