തിരുവനന്തപുരം: സംസ്ഥാനത്തെ ഐടിഐകളിൽ രണ്ടുദിവസത്തെ ആർത്തവ അവധി പ്രഖ്യാപിച്ച് വിദ്യാഭ്യാസ വകുപ്പ്. കൂടാതെ ശനിയാഴ്ചകളിൽ അവധിയും പ്രഖ്യാപിച്ചിട്ടുണ്ട്. ട്രെയിനികളുടെ ആവശ്യം പരിഗണിച്ചാണ് തീരുമാനം.(Two days menstrual leave for woman trainees in ITI)
കൂടാതെ ഐടിഐകളിൽ രണ്ട് ഷിഫ്റ്റുകളിലായി പഠന സമയം പരിഷ്കരിക്കാനും തീരുമാനമായിട്ടുണ്ട്. ആദ്യ ഷിഫ്റ്റ് 7.30 മുതൽ വൈകുന്നേരം 3.00 മണി വരെയാകും. രാവിലെ 10 മണിമുതൽ വൈകുന്നേരം 5.30 വരെയുമാകും രണ്ടാം ഷിഫ്റ്റ്. ശനിയാഴ്ച അവധി ദിവസമാക്കിയത് മൂലം പരിശീലന സമയം നഷ്ടപ്പെടുന്നത് ഒഴിവാക്കുന്നതിനായാണ് ഷിഫ്റ്റുകള് ക്രമീകരിക്കുന്നതെന്ന് മന്ത്രി വി ശിവൻകുട്ടി അറിയിച്ചു.
അതേസമയം ശനിയാഴ്ച അവധിയാണെങ്കിലും ആവശ്യമുള്ളവര്ക്ക് ഷോപ്പ് ഫ്ളോര് ട്രെയിനിങ്, ഹ്രസ്വകാല പരിശീലന കോഴ്സുകള് എന്നിവയ്ക്കായി മറ്റു പാഠ്യേതര പ്രവര്ത്തനങ്ങള്ക്ക് ഈ ദിവസം ഉപയോഗപ്പെടുത്താമെന്നും അറിയിപ്പിൽ പറയുന്നു.
