ഹൈദരാബാദ്: തെലങ്കാനയില്‍ നിര്‍മാണത്തിനിടെ തുരങ്കം തകർന്ന് വീണ് അപകടം. നാഗര്‍കുര്‍ണൂല്‍ ജില്ലയിലെ അംറബാദിലുള്ള ശ്രീശൈലം ഡാമിനു പിന്നിലെ തുരങ്കമാണ് തകര്‍ന്നത്. 8 ഓളം തൊഴിലാളികള്‍ കുടുങ്ങി കിടക്കുന്നതായാണ് സംശയം.
തുരങ്കത്തിന്റെ ഒരു ഭാഗത്ത് ചോര്‍ച്ച കണ്ടെത്തിയിരുന്നു. ഇതു പരിഹരിക്കാനായി തൊഴിലാളികള്‍ ഉള്ളില്‍ കയറിയതിനു പിന്നാലെയാണ് അപകടം നടന്നത്. അപകടത്തിൽ സ്ഥലത്ത് 3 തൊഴിലാളികളെ രക്ഷപ്പെടുത്തിയിട്ടുണ്ട്. കാണാതായവർക്കായി തിരച്ചിൽ തുടരുകയാണ്.
14 കിലോമീറ്ററോളം ഉള്ളിലാണ് അപകടം നടന്നിരിക്കുന്നത് എന്നാണ് പുറത്തു വരുന്ന റിപോർട്ടുകൾ. നീരൊഴുക്ക് അടയ്ക്കാന്‍ ഉപയോഗിച്ച കോണ്‍ക്രീറ്റുകള്‍ അടര്‍ന്നു വീണതാണ് അപകട കാരണമെന്നും റിപ്പോര്‍ട്ടുകള്‍ പറയുന്നു. 200 മീറ്ററോളം ഭാഗത്ത് ചെളി പടര്‍ന്നതായും വിവരമുണ്ട്.
