വിവാഹ പര്ച്ചേസുകാര്ക്കും ആഭരണപ്രേമികള്ക്കും ആശ്വാസമേകി സംസ്ഥാനത്ത് ഇന്ന് സ്വര്ണ്ണ വില കുറഞ്ഞു. ഗ്രാമിന് 10 രൂപ കുറഞ്ഞ് 6,715 രൂപയും പവന് 80 രൂപ കുറഞ്ഞ് 53,720 രൂപയുമാണ് ഇന്നത്തെ സ്വര്ണ വില. 18 കാരറ്റ് സ്വര്ണത്തിന്റെ വിലയിലും കുറവുണ്ട്. ഗ്രാമിന് 5 രൂപ കുറഞ്ഞ് 5,590 രൂപയായി. വെള്ളിയുടെ വില തുടര്ച്ചയായി നാലാം ദിവസത്തിലും മാറ്റമില്ലാതെ തുടരുന്നു. ഗ്രാമിന് 90 രൂപയാണ് വില. രാജ്യാന്തര വിലയുടെ ചുവടുപിടിച്ചാണ് കേരളത്തിലും സ്വര്ണ വില ഇടിഞ്ഞത്. ഇന്ന് രാവിലെ സ്വര്ണ വില ഔണ്സിന് 2,359 ഡോളറിലേക്ക് താഴ്ന്നിട്ടുണ്ട്.
ഓഹരി വിപണിയില് ഉണ്ടായ ചലനങ്ങളും അന്താരാഷ്ട്ര വിപണിയില് സ്വര്ണവിലയില് ഉണ്ടാകുന്ന മാറ്റങ്ങളുമാണ് സ്വർണ്ണ വിലയെ സ്വാധീനിക്കുന്നത്. ശനിയാഴ്ച ഗ്രാമിന് 30 രൂപയും പവന് 240 രൂപയും കുറഞ്ഞിരുന്നു. മെയ് മാസം സ്വര്ണ വിലയില് ഏറ്റവും കുറഞ്ഞ നിരക്ക് രേഖപ്പെടുത്തിയത് ഒന്നാം തിയ്യതിയായിരുന്നു. പവന് 52440 രൂപയായിരുന്നു അന്ന്. ഏറ്റവും ഉയര്ന്ന തുക രേഖപ്പെടുത്തിയത് മെയ് 10നായിരുന്നു. അന്ന് പവന് നല്കേണ്ടി വന്നത് 54040 രൂപയാണ്. മേയ് 10 അക്ഷയ തൃതീയ ദിനത്തില് രണ്ട് തവണയാണ് വില വര്ധന രേഖപ്പെടുത്തിയത്.
Read More: പുതുവൈപ്പ് ബീച്ചിൽ കുളിക്കുന്നതിനിടെ അപകടം; മരണം മൂന്നായി, മരിച്ചത് ചികിത്സയിലിരുന്ന രണ്ടു യുവാക്കൾ
Read More: പുതുവൈപ്പ് ബീച്ചിൽ കുളിക്കുന്നതിനിടെ അപകടം; മരണം മൂന്നായി, മരിച്ചത് ചികിത്സയിലിരുന്ന രണ്ടു യുവാക്കൾ
