മലപ്പുറം: നിയന്ത്രണം വിട്ട ടിപ്പർ ലോറിയിടിച്ച് രണ്ടു മരണം. മലപ്പുറം വാഴക്കാട് മുണ്ടുമുഴിയിലാണ് അപകടമുണ്ടായത്. വാഴക്കാട് സ്വദേശി അഷറഫ് (52), സഹോദരന്റെ മകൻ നിയാസ് എന്നിവരാണ് മരിച്ചത്.(Tipper lorry lost control and hit five vehicles; two death)

ഇന്ന് വൈകിട്ടായിരുന്നു സംഭവം. ടിപ്പർ ലോറി നിയന്ത്രണം വിട്ട് അഞ്ചു വാഹനങ്ങളിൽ ഇടിക്കുകയായിരുന്നു. അഷ്‌റഫും, നിയാസും സഞ്ചരിച്ച ബൈക്കിലും, എതിര്‍ ദിശയില്‍ വന്ന കാറിലും, നിര്‍ത്തിയിട്ട ഓട്ടോറിക്ഷ അടക്കമുള്ള വാഹനങ്ങളിലുമാണ് ലോറി ഇടിച്ചത്. തുടർന്ന് ലോറി സമീപത്തെ താഴ്ചയിലേക്ക് വീഴുകയായിരുന്നു.

അതേസമയം സ്ഥലത്തും ലോറി ഇടിച്ച മറ്റു വാഹനങ്ങളിലും ആളുകള്‍ ഇല്ലാതിരുന്നതിനാല്‍ വൻ ദുരന്തമാണ് ഒഴിവായത്. മരിച്ചവരുടെ മൃതദേഹങ്ങള്‍ കോഴിക്കോട് മെഡിക്കല്‍ കോളജ് മോര്‍ച്ചറിയില്‍ സൂക്ഷിച്ചിരിക്കുകയാണ്.