തൃശൂര്: തൃശൂർ മണ്ഡലത്തിലെ പാര്ലമെന്റ് തെരഞ്ഞെടുപ്പ് റദ്ദാക്കണമെന്നാവശ്യപ്പെട്ട് നൽകിയ ഹർജി ഹൈക്കോടതി ഇന്ന് പരിഗണിക്കും. എഐവൈഎഫ് നേതാവ് എഎസ് ബിനോയ് ആണ് ഹർജി നൽകിയത്. തൃശ്ശൂരില് മതവികാരം ഇളക്കി വിട്ടാണ് സുരേഷ് ഗോപി ജയിച്ചതെന്നാണ് ആരോപണം. (Thrissur election results should be cancelled; High Court will consider the petition today)
ജസ്റ്റിസ് കൗസര് ഇടപ്പഗത്താണ് ഹര്ജി പരിഗണിക്കുക. തെരഞ്ഞെടുപ്പ് ദിനത്തില് മത ചിഹ്നങ്ങളുപയോഗിച്ച് വോട്ടര്മാരെ സ്വാധീനിക്കാന് ശ്രമിച്ചുവെന്നും ഹര്ജിയില് ആരോപിക്കുന്നു. സുഹൃത്ത് മുഖേന സുരേഷ് ഗോപി വോട്ടര്മാര്ക്ക് പെന്ഷന് വാഗ്ദാനം ചെയ്തെന്നും തെരഞ്ഞെടുപ്പ് കാലത്ത് ബാങ്ക് അക്കൗണ്ടിലേക്ക് പെന്ഷന് തുക കൈമാറിയിട്ടുമുണ്ടെന്നുമാണ് ഹര്ജിയിൽ പറയുന്നത്.
തൃശൂർ ലോക്സഭാ മണ്ഡലത്തിൽ നിന്ന് 74,686 വോട്ടിന്റെ ഭൂരിപക്ഷത്തിനായിരുന്നു സുരേഷ് ഗോപിയുടെ ജയം. കോണ്ഗ്രസ് സ്ഥാനാര്ത്ഥിയായി കെ മുരളീധരനും എല്ഡിഎഫ് സ്ഥാനാര്ത്ഥിയായി അഡ്വ. വി എസ് സുനില് കുമാറുമായിരുന്നു മത്സരിച്ചിരുന്നത്.
കോമറിൻ മേഖലയ്ക്ക് മുകളിലായി ചക്രവാതച്ചുഴി; വരും ദിവസങ്ങളിൽ അതിശക്തമായ മഴ
