ലണ്ടനിൽ ഹീത്രു എയർപോർട്ടിന് സമീപം കാറും ബസും കൂട്ടിയിടിച്ച് മൂന്ന് യുവാക്കൾക്ക് ദാരുണാന്ത്യം. സ്റ്റാർ ടോംകിൻസ്, ഹാർലി വുഡ്‌സ്, ജിമ്മി സവോറി എന്നിവരാണ് മരണമടഞ്ഞത്. കാറിലുണ്ടായിരുന്ന നാലാമത്തെയാളെയും ആശുപത്രിയിൽ പ്രവേശിപ്പിച്ചിട്ടുണ്ട്. ബസ്സിൽ ഉണ്ടായിരുന്ന രണ്ട് യാത്രക്കാരെ പരുക്കുകളോടെ ആശുപത്രിയിൽ പ്രവേശിപ്പിച്ചിട്ടുണ്ട്.
നിസ്സാര പരുക്കുകൾ പറ്റിയ ബസ് യാത്രക്കാരെ സംഭവസ്ഥലത്ത് വച്ചു തന്നെ പ്രാഥമിക ശുശ്രൂഷകൾ നൽകി വിട്ടയച്ചതായി പോലീസ് അറിയിച്ചു. അപകടത്തിനിടയാക്കിയ സാഹചര്യത്തെ കുറിച്ച് പോലീസ് കൂടുതൽ അന്വേഷണങ്ങൾ നടത്തി വരുകയാണ്. കാറിലുണ്ടായിരുന്ന നാലാമത്തെ ആളുടെ ആരോഗ്യസ്ഥിതിയെ കുറിച്ചുള്ള കൂടുതൽ വിവരങ്ങൾ അറിവായിട്ടില്ല.
യുകെയിൽ ടെസ്‌കോ, ഉൾപ്പെടെയുള്ളവർ വിറ്റ ഈ ഉത്പന്നം അടിയന്തിരമായി തിരിച്ചു വിളിക്കുന്നു: കാരണം ഇതാണ്:
ഏതെങ്കിലും ഒരു ഉത്പന്നത്തിന് എന്തെങ്കിലും അപാകത സംഭവിച്ചാൽ ഉടനെ അത് തിരിച്ചു വിളിക്കാറുണ്ട്. യുകെയിൽ കഴിഞ്ഞ ദിവസം നടന്ന അത്തരമൊരു സംഭവം ഇപ്പോൾ വാർത്തകളിൽ നിറയുകയാണ്.
ടെസ്‌കോ, ആര്‍ഗോസ്, ബി ആന്‍ഡ് എം എന്നിവിടങ്ങളില്‍നിന്നും വിറ്റ ഫ്രയറുകള്‍ അടിയന്തിരമായി തിരികെ വിളിക്കുന്നു എന്ന വാർത്ത ഇപ്പോൾ പുറത്തുവന്നിരിക്കുകയാണ് . തീപിടുത്തത്തിന് സാധ്യതയുണ്ട് എന്നതിനാലാണ് ഈ ഉത്പന്നം തിരിച്ചു വിളിച്ചിരിക്കുന്നത്.
2022 ജനുവരിക്കും 2023 ഏപ്രിലിനും ഇടയില്‍ നിര്‍മ്മിച്ച ഉത്പന്നങ്ങള്‍ക്കാണ് തീപിടുത്തത്തിനുള്ള സാധ്യതയെന്നാണ് വെബ്‌സൈറ്റില്‍ പറയുന്നത്.
ടവര്‍ എയര്‍ ഫ്രയറുകള്‍ പ്രവര്‍ത്തിക്കുന്നതിനിടയില്‍ അമിതമായി ചൂടാകാനും കത്താനും ഇടയുണ്ട് എന്ന മുന്നറിയിപ്പ് നൽകിയിരിക്കുന്നത് ഓഫീസ് ഫോര്‍ പ്രൊഡക്റ്റ് സേഫ്റ്റി ആന്‍ഡ് സ്റ്റാന്‍ഡേര്‍ഡ്‌സ് (ഒ പി എസ് എസ്) ആണ്.
ഈ വിഭാഗത്തില്‍ പെടുന്ന എയര്‍ ഫ്രയറുകള്‍ വാങ്ങിയിട്ടുള്ളവര്‍ ഉടനടി തന്നെ അത് ഉപയോഗിക്കുന്നത് നിര്‍ത്തണമെന്നും പവര്‍ സപ്ലൈയില്‍ നിന്നും പ്ലഗ്ഗ് ഊരിവയ്ക്കണമെന്നും നിര്‍ദ്ദേശത്തില്‍ പറയുന്നു. ടവറിന്റെ നാല് മോഡലുകളും കറുപ്പ് നിറത്തിലാണ് നിർമ്മിച്ചിരിക്കുന്നത്, 2022 ജനുവരി മുതൽ 2023 ഏപ്രിലിൽ വരെയാണ് ഇവ നിർമ്മിച്ചത്.
ആമസോൺ, ആർഗോസ്, ബി & എം, ഡിഐഡി, പൗണ്ട്‌ലാൻഡ്, റോബർട്ട് ഡയാസ്, ടെസ്‌കോ, ടവർ ഹൗസ്‌വെയേഴ്‌സ് വെബ്‌സൈറ്റ് എന്നിവയുൾപ്പെടെയുള്ള റീട്ടെയിലർമാരാണ് അവ വിറ്റത്.
ഉപകരണത്തിന്റെ റേറ്റിംഗ് ലേബലില്‍ പരിശോധിച്ച് തങ്ങളുടേത് പിഴവ് സംഭവിച്ച മോഡലാണോ എന്ന് ഉപഭോക്താക്കള്‍ക്ക് പരിശോധിക്കാവുന്നതാണ്.
ഏതൊക്കെ മോഡലുകളെയാണ് ഇത് ബാധിക്കുന്നത്?
മോഡലുകൾ ഇവയാണ്:
T17023 ടവർ 2.2 ലിറ്റർ
മാനുവൽ എയർ ഫ്രയർ
T17061BLK ടവർ 4 ലിറ്റർ മാനുവൽ എയർ ഫ്രയർ
T17067 ടവർ 4 ലിറ്റർ ഡിജിറ്റൽ എയർ ഫ്രയർ
T17087 ടവർ 2 ലിറ്റർ കോംപാക്റ്റ് മാനുവൽ എയർ ഫ്രയർ
പണം തിരികെ ലഭിക്കാനോ, പകരം മറ്റൊരു ഉത്പന്നം വാങ്ങുന്നതിനോ ഉപഭോക്താക്കള്‍ക്ക് ടവര്‍ ഹൗസ്വെയേഴ്സിന്റെ വെബ്‌സൈറ്റ് ഉപയോഗപ്പെടുത്താം.
