ഇ-ബസ് വിവാദം: ഗണേഷ്കുമാറിന് മറുപടിയുമായി മേയർ വി.വി. രാജേഷ്
തിരുവനന്തപുരം: തലസ്ഥാനത്തെ ഇലക്ട്രിക് ബസ് സർവീസുമായി ബന്ധപ്പെട്ട വിവാദങ്ങളിൽ ഗതാഗത മന്ത്രി കെ.ബി. ഗണേഷ്കുമാറിന് മറുപടിയുമായി തിരുവനന്തപുരം മേയർ വി.വി. രാജേഷ്.
ഇ-ബസ് സർവീസ് നടത്തുന്നതിൽ കരാർ ലംഘനങ്ങൾ നടക്കുന്നതായി മേയർ വാർത്താസമ്മേളനത്തിൽ ആരോപിച്ചു.
2023 ഫെബ്രുവരി 21ന് തിരുവനന്തപുരം കോർപ്പറേഷൻ, സ്മാർട്ട് സിറ്റി, കെ.എസ്.ആർ.ടി.സി എന്നിവ തമ്മിൽ ഒപ്പുവച്ച കരാർ പൂർണ്ണമായി പാലിക്കണമെന്നാണ് കോർപ്പറേഷന്റെ നിലപാടെന്ന് അദ്ദേഹം വ്യക്തമാക്കി.
ധ്യാൻ ശ്രീനിവാസൻ നായകനായ ‘ഡിയർ ജോയ്’; കെ.എസ്. ചിത്രയുടെ സ്വരത്തിൽ ‘നെഞ്ചോരം’ ഗാനത്തിന്റെ മേക്കിംഗ് വീഡിയോ പുറത്തിറങ്ങി
കരാർ ലംഘനമെന്ന് ആരോപണം
പീക്ക് ടൈമിൽ നഗരത്തിനുള്ളിൽ ഇലക്ട്രിക് ബസുകൾ സർവീസ് നടത്തണമെന്ന കരാർ വ്യവസ്ഥ പാലിക്കപ്പെടുന്നില്ലെന്ന് മേയർ പറഞ്ഞു.
റൂട്ടുകൾ നിശ്ചയിക്കുന്നത് കോർപ്പറേഷനുമായി ആലോചിക്കാതെയാണെന്നും ഇത് കരാർ ലംഘനമാണെന്നും ആരോപിച്ചു.
ഇ-ബസ് സർവീസിൽ നിന്നുള്ള ലാഭവിഹിതം കോർപ്പറേഷനു നൽകുന്നതിലും വീഴ്ച സംഭവിക്കുന്നുണ്ടെന്ന് അദ്ദേഹം ചൂണ്ടിക്കാട്ടി.
ഇടറോഡുകളും ഗ്രാമീണ മേഖലകളും അവഗണിക്കുന്നു
നിലവിൽ നിരവധി ഇടറോഡുകളിലും ഗ്രാമീണ മേഖലകളിലും ബസ് സർവീസ് ഇല്ലാത്തത് ജനങ്ങളെ ബുദ്ധിമുട്ടിലാക്കുന്നുണ്ടെന്ന് മേയർ പറഞ്ഞു.
ഇ-ബസ് സർവീസ് ഈ മേഖലകളിലേക്കും വ്യാപിപ്പിക്കണമെന്നത് കരാറിലെ പ്രധാന വ്യവസ്ഥയാണെന്നും അത് നടപ്പാക്കണമെന്നും ആവശ്യപ്പെട്ടു.
‘ബസ് തിരികെ നൽകാം’ എന്ന പ്രസ്താവനയ്ക്ക് മറുപടി
കത്ത് നൽകിയാൽ ഇലക്ട്രിക് ബസ് തിരികെ നൽകാമെന്ന മന്ത്രിയുടെ പ്രതികരണത്തോടും മേയർ പ്രതികരിച്ചു.
കോർപ്പറേഷനു ബസ് തിരികെ നൽകേണ്ട ആവശ്യമില്ലെന്നും, ബസ് കെ.എസ്.ആർ.ടി.സി സ്റ്റാൻഡിൽ മാത്രമേ നിർത്താവൂ എന്ന തരത്തിലുള്ള വാശിയുമില്ലെന്നും അദ്ദേഹം പറഞ്ഞു.
കോർപ്പറേഷനു ബസ് നിർത്തിയിടാൻ ആവശ്യത്തിന് സ്ഥലങ്ങളുണ്ടെങ്കിലും നിലവിൽ അതിനെക്കുറിച്ച് ആലോചിക്കുന്നില്ലെന്നും വ്യക്തമാക്കി.
English Summary:
Thiruvananthapuram Mayor V.V. Rajesh has responded to Transport Minister K.B. Ganesh Kumar over the ongoing controversy surrounding electric bus services in the city. The Mayor alleged violations of the 2023 tripartite agreement involving the Corporation, Smart City, and KSRTC, citing issues in route planning, peak-hour services, and revenue sharing. He clarified that the Corporation has sufficient space to park buses and insisted that contractual obligations must be strictly followed.
