നമ്മൾ എത്ര വൃത്തിയായി സൂക്ഷിച്ചാലും ചിലപ്പോൾ ശരീരത്തിൽ ദുർഗന്ധമുണ്ടാകുന്നതായി പരാതിയുണ്ടോ ? ഇതിനു പിന്നിൽ ചില ഭക്ഷണങ്ങൾക്ക് പങ്കുണ്ട്. ഏതൊക്കെ ഭക്ഷണങ്ങള്‍ ശരീര ദുര്‍ഗന്ധമുണ്ടാക്കുന്നു എന്നറിയാമോ? ചില ഭക്ഷണങ്ങള്‍ ഒഴിവാക്കിയാല്‍ തന്നെ നമ്മുടെ പല ശരീര ദുര്‍ഗന്ധ പ്രശ്‌നങ്ങളും പരിഹരിക്കാവുന്നതാണ്. ഏതൊക്കെ ഭക്ഷണങ്ങള്‍ നമ്മുടെ ഭക്ഷണശീലത്തില്‍ നിന്നും പൂര്‍ണമായും ഒഴിവാക്കണം എന്നു നോക്കാം.
റെഡ് മീറ്റ് കഴിയ്ക്കുന്നത് ശരീരത്തിന്റെ ദഹനപ്രക്രിയയ്ക്ക് വിഘാതം സൃഷ്ടിക്കുന്നു. ഇത് ശരീരത്തിനും ദുര്‍ഗന്ധം നല്‍കാന്‍ കാരണമാകുന്നു. എരിവുള്ള ഭക്ഷണങ്ങള്‍ അമിതമായി കഴിയ്ക്കുന്നത് ശരീരത്തില്‍ സള്‍ഫര്‍ വര്‍ദ്ധിക്കാന്‍ കാരണമാകും. ഇത് തൊലിയുടെ ശ്വസനത്തെ ഇല്ലാതാക്കുന്നു. വെളുത്തുള്ളി, ഉള്ളി, എരിവും പുളിയുമുള്ള ഭക്ഷണങ്ങള്‍ എന്നിവ ശരീരത്തിന് ദുര്‍ഗന്ധം നല്‍കും. മദ്യത്തിന്റെ ഉപയോഗം സ്വാഭാവികമായും ശരീര ദുര്‍ഗന്ധമുണ്ടാക്കുന്നതാണ്. മാത്രമല്ല ചോക്ലേറ്റ്, ചായ കാപ്പി, എന്നിവയും ശരീര ദുര്‍ഗന്ധമുണ്ടാക്കുന്നവയാണ്.
