വാറണ്ട് കേസിലെ പ്രതിയെ പിടികൂടാൻ എത്തിയ പോലീസിന് നേരെ നായയെ അഴിച്ചുവിട്ട സംഭവത്തിൽ യുവാവിനെ പോലീസ് അറസ്റ്റ് ചെയ്തു. ഏറ്റുമാനൂർ ചിറയിൽ നിധിൻ സി ബാബുവിനെയാണ് അറസ്റ്റ് ചെയ്തത്. ക്രിമിനൽ കേസിൽ പ്രതിയായി കോടതിയിൽ നിന്നും ജാമ്യത്തിൽ ഇറങ്ങി പിന്നീട് ഹാജരാകാതിരുന്നതിനെ തുടർന്ന് കോടതി ഇയാൾക്കെതിരെ വാറണ്ട് പുറപ്പെടുവിച്ചിരുന്നു. ഇതനുസരിച്ച് അറസ്റ്റ് ചെയ്യാൻ എത്തിയ പോലീസിന് നേരെ ഇയാൾ വളർത്തു നായ്ക്കളെ അഴിച്ചുവിടുകയും കത്തികാണിച്ചു ഭീഷണിപ്പെടുത്തുകയുമായിരുന്നു. ഇതോടെ ഇയാൾ ഇവിടെ നിന്ന് കടന്നു കളയാതിരിക്കാൻ രാത്രി കാവൽ ഏർപ്പെടുത്തിയ പോലീസ് പിന്നീട് ഇയാളെ അറസ്റ്റ് ചെയ്യുകയായിരുന്നു. ഇയാൾ ഏറ്റുമാനൂർ പോലീസ് സ്റ്റേഷനിലെ ആന്റി സോഷ്യൽ ലിസ്റ്റിൽപ്പെട്ട ആളാണ്.

ALSO READ;പാവപ്പെട്ടവര്‍ക്ക് സബ്‌സിഡി നിരക്കില്‍ വിസ്‌കിയും ബിയറും നൽകും; വ്യത്യസ്ത തെരഞ്ഞെടുപ്പ് വാഗ്ദാനവുമായി സ്ഥാനാർഥി !