ഇങ്ങനെ ഉണ്ടോ ഒരു മറവി; സ്കൂട്ടർ മറന്നു വെച്ച് റിട്ടയേർഡ് നേവി ക്യാപ്ടൻ; കണ്ടെത്തിയത് പത്തു മാസങ്ങൾക്ക് ശേഷം ; സംഭവം തൃശൂരിൽ

തൃ​ശൂ​ർ: മറന്നു വെച്ച സ്കൂട്ടർ പത്തു മാസങ്ങൾക്ക് ശേഷം കണ്ടെത്തി. തൃശൂരിലാണ് സംഭവം.

നേ​വി​യി​ൽ ക്യാ​പ്​​റ്റ​ൻ ആ​യി​രു​ന്നു പൂ​ത്തോ​ൾ സ്വ​ദേ​ശിയുടെ ഭാ​ര്യ​യു​ടെ പേ​രി​ലുള്ള​ വാ​ഹ​നമാണ് കാണാതായത്. റി​ട്ട. ക്യാ​പ്​​റ്റ​നാ​ണ്​ ജ​നു​വ​രി​യി​ൽ സ്കൂ​ട്ട​ർ ഓ​ടി​ച്ചു​പോ​യ​ത്. തി​രി​ച്ച്​ സ്കൂ​ട്ട​റി​ല്ലാ​തെ വ​ന്ന​പ്പോ​ൾ തു​ട​ങ്ങി​യ അ​ന്വേ​ഷ​ണ​മാ​ണ്.

കു​റ​ച്ചു​കാ​ല​മാ​യി മ​റ​വി രോ​ഗ​മു​ള്ള റി​ട്ട. ക്യാ​പ്​​റ്റ​ൻ അ​ത്​ എ​വി​ടെ​യോ നി​ർ​ത്തി​യി​ട്ട്​ മ​റ​ന്ന​താ​വാം എ​ന്ന്​ ഭാ​ര്യ അ​ട​ക്ക​മു​ള്ള വീ​ട്ടു​കാ​ർ​ക്ക്​ മനസിലാ​യി​രു​ന്നു. ക​ല​ക്ട​റേ​റ്റി​ലാ​വാം എ​ന്ന്​ ക​രു​തി ക​ല​ക്ട​ർ​ക്കും പൊ​ലീ​സി​നും പ​രാ​തി ന​ൽ​കി. പ​റ്റാ​വു​ന്ന രീ​തി​യി​ലെ​ല്ലാം അ​ന്വേ​ഷി​ച്ച്​ നി​രാ​ശ​രാ​യി ഇ​രി​ക്കു​ക​യാ​യി​രു​ന്നു.

ക​ഴി​ഞ്ഞ 10 മാ​സ​മാ​യി ആ ​സ്കൂ​ട്ട​റി​നെ​ക്കു​റി​ച്ചു​ള്ള ആ​ധി​യി​ലാ​യി​രു​ന്നു ഉ​ട​മ​യും വീ​ട്ടു​കാ​രും. ജ​നു​വ​രി​യി​ലാ​ണ്​ അ​വ​സാ​ന​മാ​യി അ​തു​മാ​യി പു​റ​ത്തു​പോ​യ​​ത്. ക​ല​ക്ട​റേ​റ്റി​ലേ​ക്കാ​ണ്​ പോ​യ​തെ​ന്ന ഓ​ർ​മ മാ​ത്ര​മേ​യു​ള്ളൂ.

എ​വി​ടെ വെ​ച്ചു​വെ​ന്ന്​ കൃ​ത്യ​മാ​യി അ​റി​യി​ല്ല. ആ​രെ​ങ്കി​ലും കൊ​ണ്ടു​പോ​യ​താ​ണോ എ​ന്നും വ്യ​ക്ത​മ​ല്ല. ന​ഷ്ട​പ്പെ​ട്ടു​വെ​ന്ന്​ ഏ​താ​ണ്ട്​ നി​ശ്ച​യി​ച്ച സ്കൂ​ട്ട​റി​നെ​ക്കു​റി​ച്ചു​ള്ള തൃ​ശൂ​ർ​ പൂ​ത്തോ​ൾ സ്വ​ദേ​ശി​യു​ടെ അ​വ​സാ​നി​ക്കാ​ത്ത അ​ന്വേ​ഷ​ണ​ത്തി​നാ​ണ്​ ശ​നി​യാ​ഴ്ച ഏ​റെ യാ​ദൃ​ശ്ചി​ക​ത​യു​ള്ള പ​ര്യ​വ​സാ​ന​മു​ണ്ടാ​യ​ത്.

ആ ​സ്കൂ​ട്ട​ർ സു​ര​ക്ഷി​ത​മാ​യി ഒ​രി​ട​ത്ത്​ ഇ​രി​ക്കു​ന്നു​വെ​ന്ന അ​റി​വി​ന്​ പി​ന്നാ​ലെ അ​ത്​ വീ​ട്ടു​കാ​രു​ടെ പ​ക്ക​ലേ​ക്ക്​ എ​ത്തു​ക​യും ചെ​യ്തു.

ടൂ ​വീ​ല​ർ അ​സോ​സി​യേ​ഷ​ൻ ചെ​യ​ർ​മാ​നും തൃ​ശൂ​ർ സി​വി​ൽ ലെ​യ്​​ൻ വാ​ക്കേ​ഴ്​​സ്​ അ​സോ​സി​യേ​ഷ​ൻ സെ​ക്ര​ട്ട​റി​യു​മാ​യ ജെ​യിം​സ്​ മു​ട്ടി​ക്ക​ലി​നോ​ട്​ വെ​ള്ളി​യാ​ഴ്ച സു​ഹൃ​ത്ത് സേ​വി​യ​ർ അ​ക്ക​ര​പ്പ​ട്യേ​ക്ക​ലാ​ണ് മാ​സ​ങ്ങ​ളാ​യി ഒ​രു സ്കൂ​ട്ട​ർ അ​നാ​ഥ​മാ​യി ക​ല​ക്ട​റേ​റ്റി​ന് പു​റ​ത്ത്​ വ​ട​ക്കു​ഭാ​ഗ​​ത്ത്​ ഓ​ട്ടോ​റി​ക്ഷ​ക​ൾ പാ​ർ​ക്ക്​ ചെ​യ്യു​ന്ന​തി​ന​ടു​ത്ത്​ ന​ട​പ്പാ​ത​യി​ൽ കാ​ണു​ന്ന​താ​യി അ​റി​യി​ച്ച​ത്.

ജെ​യിം​സ്​ മു​ട്ടി​ക്ക​ൽ അ​തി​ന്‍റെ ഫോ​ട്ടോ​യെ​ടു​ത്ത്​ വാ​ക്കേ​ഴ്​​സ്​ ക്ല​ബി​​ന്‍റേ​തും പൊ​ലീ​സി​ന്‍റെ​തും ഉ​ൾ​പ്പെ​ടെ വി​വി​ധ ഗ്രൂ​പ്പു​ക​ളി​ൽ പ​ങ്കു​വെ​ച്ചു. പൊ​ലീ​സ്​ ഗ്രൂ​പ്പി​ൽ ഇ​ട്ട​പ്പോ​ൾ അ​വ​ർ സ്കൂ​ട്ട​ർ ഉ​ട​മ​യു​ടെ വി​ലാ​സം പ​രി​ശോ​ധി​ച്ച്​ അ​തി​ലി​ട്ടു.

ആ ​വി​ലാ​സം വീ​ണ്ടും വി​വി​ധ ഗ്രൂ​പ്പു​ക​ളി​ൽ ഇ​ട്ട കൂ​ട്ട​ത്തി​ൽ വാ​ക്കേ​ഴ്​​സ്​ ക്ല​ബ്​ ഗ്രൂ​പ്പി​ൽ ക​ണ്ട പൂ​ത്തോ​ൾ ‘കാ​വേ​രി’ അ​പ്പാ​ർ​ട്ട്​​മെ​ന്‍റി​ൽ താ​മ​സി​ക്കു​ന്ന മു​ര​ളീ​ധ​ര​നാ​ണ്​ സ്കൂ​ട്ട​ർ തി​രി​ച്ച​റി​ഞ്ഞ​ത്.

അ​ദ്ദേ​ഹ​ത്തി​ന്‍റെ അ​യ​ൽ​വാ​സി​യു​ടെ വീ​ട്ടി​ലേ​താ​യി​രു​ന്നു സ്കൂ​ട്ട​ർ. മു​ര​ളീ​ധ​ര​ൻ ഇ​ക്കാ​ര്യം വീ​ട്ടു​കാ​രെ അ​റി​യി​ച്ച്​ അ​യ്യ​ന്തോ​ളി​ൽ ക​ല​ക്ട​റേ​റ്റ്​ പ​രി​സ​ര​ത്തു​ള്ള സ്കൂ​ട്ട​റെ​ടു​ക്കാ​ൻ പോ​യി.

10 മാ​സ​മാ​യി ഉ​പ​യോ​ഗി​ക്കാ​ത്ത​തി​നാ​ൽ അ​തി​ന്‍റെ അ​ന​ക്കം നി​ല​ച്ചി​രു​ന്നു. സ്കൂ​ട്ട​ർ ഗു​ഡ്​​സ്​ ഓ​ട്ടോ​റി​ക്ഷ​യി​ൽ കൊ​ണ്ടു​വ​ന്ന്​ പൂ​ത്തോ​ളി​ലെ വ​ർ​ക്​​ഷോ​പ്പി​ൽ ഏ​ൽ​പ്പി​ച്ചു. തു​ട​ർ​ന്നു​ള്ള കാ​ര്യ​ങ്ങ​ൾ ഉ​ട​മ ഏ​റ്റെ​ടു​ക്കു​ക​യും ചെ​യ്തു. ജെ​യിം​സ്​ മു​ട്ടി​ക്ക​ലും മു​ര​ളീ​ധ​നും സ്കൂ​ട്ട​റി​ന്‍റെ ഉ​ട​മ​യു​മ​ട​ക്കം എ​ല്ലാ​വ​രും വാ​ട്​​സ്​​ആ​പ്പി​ന്​ ന​ന്ദി പ​റ​യു​ക​യാ​ണ്.

The forgotten scooter was found ten months later. The incident happened in Thrissur