അനുമതിയില്ലാതെ പ്രവര്ത്തിക്കുന്ന ലോണ് ആപ്പുകള്ക്ക് പൂട്ടിടാനൊരുങ്ങി കേന്ദ്രം. നിയന്ത്രണമില്ലാത്ത വായ്പകളുടെ നിരോധനം എന്ന പേരിലാണ് കേന്ദ്ര സര്ക്കാര് കരട് ബില്ല് അവതരിപ്പിച്ചു. അനധികൃത വായ്പകള് നല്കുന്നവര്ക്ക് പത്ത് വര്ഷം വരെ ജയില് ശിക്ഷ ലഭിക്കുന്ന തരത്തിലാണ് പുതിയ നിയമം.
റിസര്വ് ബാങ്ക് അല്ലെങ്കില് മറ്റ് നിയന്ത്രണ ഏജന്സികളുടെ അനുമതിയില്ലാതെ വായ്പ നല്കുന്നവരെ ജാമ്യമില്ലാ കുറ്റം ചുമത്തി പിഴ ഈടാക്കാനാണ് പദ്ധതി. ലോണ് ആപ്പുകളുടെ പേരില് നടക്കുന്ന ചൂഷണങ്ങളും കുറ്റകൃത്യങ്ങളും തടയാന് ലക്ഷ്യമിട്ടാണ് പുതിയ നിയമം. ക്രമവിരുദ്ധമായി വായ്പ നല്കുന്നവരുടെ പ്രവര്ത്തനം അവസാനിപ്പിക്കുകയാണ് കേന്ദ്രസര്ക്കാര് ഇതിലൂടെ ലക്ഷ്യമിടുന്നത്.
ഡിജിറ്റല് വായ്പകളെക്കുറിച്ചുള്ള ആര്ബിഐ വര്ക്കിംഗ് ഗ്രൂപ്പ് റിപ്പോര്ട്ടില് ക്രമരഹിതമായ വായ്പകള് നിരോധിക്കുന്നതിന് നിയമം കൊണ്ടുവരുന്നത് ഉള്പ്പെടെ നിരവധി കാര്യങ്ങൾ നിര്ദ്ദേശിച്ചിരുന്നു. നിയമം ലംഘിച്ച് ആരെങ്കിലും ഡിജിറ്റലായോ മറ്റേതെങ്കിലും വിധത്തിലോ വായ്പ നല്കിയാല് കുറഞ്ഞത് രണ്ട് വര്ഷം വരെ തടവ് ശിക്ഷ ലഭിക്കും.
