കോട്ടയം കാഞ്ഞിരപ്പള്ളി പാറത്തോട്ടിൽ സ്വകാര്യ ബസിൽ നിന്നും തെറിച്ചുവീണ യുവതിയെ ആശുപത്രിയിലെത്തിക്കാൻ ബസ് ജീവനക്കാർ തയാറായില്ലെന്ന് ആക്ഷേപം. പ്രദേശത്ത് സർവീസ് നടത്തുന്ന സെറാ ബസിനെതിരെയാണ് ആക്ഷേപം. (The bus staff did not take the woman who fell from the bus to the hospital)

അങ്കണവാടി ഹെൽപ്പറായ പൊടിമറ്റം ചീരംകുന്നേൽ സിജിമോളാണ് കഴിഞ്ഞദിവസം പാറത്തോട്ടിൽ ബസ് ഇറങ്ങുന്നതിനിടെ ബസ് മുന്നോട്ട് എടുത്തതിനിടെ റോഡിലേക്ക് സിജിമോൾ തെറിച്ചു വീഴുകയായിരുന്നു. തുടർന്ന് ബസ് നിർത്തി നോക്കിയ ബസ് ജീവനക്കാർ നിർത്താതെ വിട്ടുപോയി. തുടർന്ന് നാട്ടുകാരാണ് യുവതിയെ ആശുപത്രിയിലെത്തിച്ചത്. സിജിയുടെ നടുവിനും തലയ്ക്ക് പിന്നിലും പരിക്കുണ്ട്.