ഡ്യൂ ഡ്രോപ്പ്സിന്റെ മേളപെരുക്കത്തിന്റെ അകമ്പടിയോടെ TILEX പൂരം 2025 ന് കൊടിയേറി. തുള്ളിയാലൻ പാരിഷ് ഹാളിൽ നടന്ന ചടങ്ങിൽ ലൗത്ത് കൗണ്ടി കൌൺസിൽ ചെയർപേഴ്സൺ Kevin Callan, ദ്രോഗട മേയർ Paddy McQuillanഎന്നിവർ ചേർന്ന് Tilex പൂരം 2025 ലോഗോ പ്രകാശനം നടത്തി.The biggest mega festival in the history of Drogheda
2025 ജൂൺ 28 നാണ് ദ്രോഗടയുടെ ചരിത്രത്തിലെ തന്നെ ഏറ്റവും വലിയ മെഗാഉത്സവം. ഇതിനു മുന്നോടിയായാണ് പോസ്റ്റർ പ്രകാശനം നടന്നത്. കഴിഞ്ഞ ശനിയാഴ്ചയായിരുന്നു പോസ്റ്റർ പ്രകാശന ചടങ്ങ്.
TD. Ged Nash, ദ്രോഗട സിറ്റി കൗൺസിലർമാരായ Declan Power, Michelle Hall, Ejiro O’Hare Stratton, ലൂർദ് ഹോസ്പിറ്റൽ ഡയറക്ടർ Adrian Cleary, Tilex ഡയറക്ടർ സിജോ എന്നിവർ ചടങ്ങിൽ പങ്കെടുത്തു.
ദ്രോഗട ഇന്ത്യൻ അസോസിയേഷനും (DMA)റോയൽ ക്ലബ് ദ്രോഗടയും സായുക്തമായാണ് പരിപാടി സംഘടിപ്പിക്കുന്നത്.
ഇവന്റിൽ വിവിധ രാജ്യങ്ങളിൽ നിന്നും നൂറിൽ അധികം കലാകാരന്മാർ പങ്കെടുക്കും. സാംസ്കാരിക കലാരൂപങ്ങൾ, കാർണിവൽ, പാചക മത്സരങ്ങൾ , ഫുഡ് കൌണ്ടറുകൾ, ഫാമിലി മത്സരങ്ങൾ എന്നിങ്ങനെ നിരവധി പരിപാടികളാണ് ഒരുക്കിയിരിക്കുന്നത്.
രാവിലെ 9.00 മണിക്ക് ആരംഭിക്കുന്ന പൂരം 2025 ൽ പ്രവേശനം സൗജന്യം ആയിരിക്കും എന്ന് സംഘാടകർ അറിയിച്ചു.
