തലശേരി: തലശേരിയിൽ ആരംഭിച്ച കെഎസ്ആർടിസി ഡബിൾ ഡക്കർ ബസ് ഷെഡിന്റെ സർവീസ് താത്കാലികമായി അവസാനിപ്പിച്ചു. സർവീസ് തുടങ്ങി രണ്ടു മാസം പിന്നിടുമ്പോഴാണ് ബസിന്റെ സർവീസ് നിർത്തിയത്. കാലാവസ്ഥ തകിടം മറിഞ്ഞതോടെ യാത്രക്കാർ ബസിൽ കയറാതെ ആയതിനെ തുടർന്നാണ് കെഎസ്ആർടിസിയുടെ തീരുമാനം.
തലശേരി പൈതൃക ടൂറിസം പദ്ധതി ജനകീയമാക്കുകയെന്ന ലക്ഷ്യത്തോടെ സ്പീക്കര് എ.എന്.ഷംസീര് മുന്കൈയെടുത്താണ് ബസ് തലശ്ശേരിയിലെത്തിച്ചത്. ഫെബ്രുവരിയിലാണ് തിരുവനന്തപുരത്തുനിന്ന് ബസ് തലശ്ശേരിയിലെത്തിച്ചത്. ഫെബ്രുവരി 22-ന് മന്ത്രി കെ.ബി.ഗണേഷ്കുമാറും സ്പീക്കര് എ.എന്.ഷംസീറും യാത്ര ചെയ്താണ് ഉദ്ഘാടനം ചെയ്തത്.
തലശേരി ഡിപ്പോയില്നിന്ന് തുടങ്ങി ഇല്ലിക്കുന്ന് ഗുണ്ടര്ട്ട് ബംഗ്ലാവ്, കോടതി, ഓവര്ബറീസ് ഫോളി, കോട്ട, ഗോപാലപ്പേട്ട വഴി മാഹിയിലെത്തും. മാഹി ബസിലിക്ക പള്ളി, മാഹി പുഴയോര നടപ്പാതയില്നിന്ന് ബൈപ്പാസിലൂടെ മുഴപ്പിലങ്ങാട് ബീച്ച് സന്ദര്ശിച്ച് തലശേരി വരെയാണ് യാത്ര. ബസിന്റെ താഴത്തെ നിലയില് 28 ആളുകള്ക്ക് ഇരിക്കാനുളള സീറ്റും രണ്ട് മേശയുമുണ്ട്. മുകളിലത്തെ നിലയില് 21 പേര്ക്ക് ഇരുന്ന് യാത്ര ചെയ്യാം.
ആളുകള് മുന്കൂട്ടി ആവശ്യപ്പെടുന്ന പ്രകാരം വിനോദസഞ്ചാര കേന്ദ്രങ്ങളിലൂടെയാണ് ബസിന്റെ സഞ്ചാരം. എന്നാൽ 40 ആളുകള്വരെ ഉണ്ടെങ്കില് മാത്രമേ ബസ് ഓടൂ. ഒരാള്ക്ക് 250 രൂപയാണ് ടിക്കറ്റ് നിരക്ക്. ഉച്ചയ്ക്ക് രണ്ടരയ്ക്ക് തുടങ്ങി എട്ടരയ്ക്ക് തിരിച്ചെത്തുന്ന തരത്തിലാണ് സർവീസ്. എന്നാൽ ചൂട്മാറി മഴ വന്നാല് മുകള്ഭാഗത്ത് മേല്ക്കൂരയില്ലാത്തതിനാലും യാത്ര ബുദ്ധിമുട്ടാകും. ഉച്ചയ്ക്കുള്ള കഠിനമായ ചൂട് യാത്രയെ സാരമായി ബാധിക്കുകയും ചെയ്തു.
Read Also: ലൈൻ തകരാർ പരിഹരിക്കുന്നതിനിടെ ഷോക്കേറ്റു; കൊല്ലത്ത് കെഎസ്ഇബി ജീവനക്കാരന് ദാരുണാന്ത്യം
