പിറന്നാൾ സമ്മാനത്തിന്റെ മറവിൽ പീഡനശ്രമം; പോക്സോ കേസിൽ സ്കൂൾ അധ്യാപകൻ അറസ്റ്റിൽ
കോഴിക്കോട്: പിറന്നാൾ സമ്മാനം നൽകാമെന്ന് പറഞ്ഞ് ഒമ്പതാം ക്ലാസ് വിദ്യാർത്ഥിയെ വീട്ടിലേക്ക് കൂട്ടിക്കൊണ്ടുപോയി പീഡിപ്പിക്കാൻ ശ്രമിച്ച കേസിൽ സ്കൂൾ അധ്യാപകൻ അറസ്റ്റിൽ.
കോഴിക്കോട് നല്ലളം പൊലീസ് സ്റ്റേഷൻ പരിധിയിലെ സ്കൂളിലെ അധ്യാപകനെയാണ് പൊലീസ് പിടികൂടിയത്.
വിദ്യാർത്ഥിയിൽ നിന്ന് വിവരം അറിഞ്ഞ സ്കൂൾ അധികൃതർ പൊലീസിനെ അറിയിച്ചതിനെ തുടർന്ന് പോക്സോ വകുപ്പുകൾ പ്രകാരം കേസെടുത്താണ് നടപടി.
പ്രതിയുടെ അറസ്റ്റ് രേഖപ്പെടുത്തി കോടതിയിൽ ഹാജരാക്കി റിമാൻഡ് ചെയ്തു.
ആസ്മയും ട്യൂമറും മാറുമെന്ന് വ്യാജ പരസ്യം നൽകിയ ഡോക്ടർ കുടുങ്ങി
മലമ്പുഴ പീഡനക്കേസ്: കൂടുതൽ വിദ്യാർത്ഥികൾ മൊഴിയുമായി മുന്നോട്ട്
അതേസമയം, പാലക്കാട് മലമ്പുഴയിൽ അധ്യാപകൻ വിദ്യാർത്ഥികൾക്ക് മദ്യം നൽകി ലൈംഗികമായി പീഡിപ്പിച്ച കേസിൽ അന്വേഷണം കൂടുതൽ വ്യാപിപ്പിക്കുന്നു.
അന്വേഷണ സംഘത്തിന് മുന്നിൽ പത്ത് വിദ്യാർത്ഥികൾ കൂടി മൊഴി നൽകി.
റിമാൻഡിൽ കഴിയുന്ന സംസ്കൃത അധ്യാപകൻ അനിൽ പലതവണ പീഡിപ്പിച്ചതായാണ് കുട്ടികളുടെ മൊഴി.
വനിതാ പൊലീസ് സംഘത്തിന് മുമ്പാകെയാണ് കുട്ടികൾ തുറന്നുപറച്ചിൽ നടത്തിയത്.
നേരത്തെ അഞ്ച് കുട്ടികളും സമാനമായ മൊഴി നൽകിയിരുന്നു.
സുരക്ഷയും കൗൺസിലിംഗും ഉറപ്പാക്കുമെന്ന് സിഡബ്ല്യുസി
മൊഴി നൽകുന്ന വിദ്യാർത്ഥികൾക്ക് പൂർണ സുരക്ഷയും കൗൺസിലർമാരുടെ സേവനവും ഉറപ്പാക്കുമെന്ന് സിഡബ്ല്യുസി ചെയർമാൻ എം. സേതുമാധവൻ അറിയിച്ചു.
ട്രോമ അനുഭവിക്കുന്ന കുട്ടികൾക്ക് ചൈൽഡ് സൈക്കോളജിസ്റ്റുകളുടെ പിന്തുണ നൽകാനും തീരുമാനമായി.
മുൻ വിദ്യാർത്ഥികളിലേക്കും അന്വേഷണം, അധ്യാപകർക്കെതിരെയും നടപടി സാധ്യത
സ്കൂളിൽ നിന്ന് പഠിച്ചിറങ്ങിയ കുട്ടികളെയും പ്രതി പീഡിപ്പിച്ചിട്ടുണ്ടാകാമെന്ന നിഗമനത്തിലാണ് പൊലീസ്.
പീഡനവിവരം അറിഞ്ഞിട്ടും പൊലീസിനെ അറിയിക്കാത്ത സ്കൂൾ അധ്യാപകരെയും കേസിൽ പ്രതിചേർക്കാനുള്ള നീക്കത്തിലാണ് അന്വേഷണ സംഘം.
ആറ് വർഷം മുൻപാണ് പ്രതി സ്കൂളിൽ ജോലിയിൽ പ്രവേശിച്ചത്. ആ കാലഘട്ടം മുതലുള്ള ഇയാളുടെ പശ്ചാത്തലം വിശദമായി പരിശോധിക്കുകയാണ് മലമ്പുഴ പൊലീസ്.
English Summary:
A school teacher in Kozhikode was arrested under the POCSO Act for allegedly luring a Class 9 student to his house by promising a birthday gift and attempting sexual abuse. Meanwhile, in a related case from Malampuzha, more students have come forward with allegations of sexual abuse by another teacher, prompting authorities to expand the investigation and ensure counselling and protection for victims.
