ഫെബ്രുവരി 14-ന് കാമുകിക്ക് ഡയറി മിൽക്കിന് പകരം ഒരു കിലോ പഞ്ചസാര കൊടുത്താലോ? സർക്കാരിൻ്റെ കിടിലൻ ഓഫർ
തിരുവനന്തപുരം: വാലന്റൈൻസ് ഡേ പ്രമാണിച്ച് ഉപഭോക്താക്കൾക്ക് ആകർഷകമായ ഓഫറുമായി സപ്ലൈകോ. ഫെബ്രുവരി 14ന് സപ്ലൈകോ ഔട്ട്ലെറ്റുകളിലൂടെ ഒരു കിലോ പഞ്ചസാര 14 രൂപയ്ക്ക് ലഭിക്കുന്ന പ്രത്യേക ഓഫറാണ് പ്രഖ്യാപിച്ചിരിക്കുന്നത്.
വാലന്റൈൻസ് ഡേയായ ഫെബ്രുവരി 14ന് സപ്ലൈകോയിൽ നിന്ന് ആയിരം രൂപയ്ക്ക് മുകളിൽ സബ്സിഡിയിതര ഉൽപ്പന്നങ്ങൾ വാങ്ങുന്ന ഉപഭോക്താക്കൾക്ക് ഒരു കിലോ പഞ്ചസാര വെറും 14 രൂപയ്ക്ക് ലഭിക്കും.
നിലവിൽ വിപണിയിൽ ഒരു കിലോ പഞ്ചസാരയുടെ വില 43.50 രൂപയാണ്.
അതേസമയം, 500 രൂപയ്ക്ക് മുകളിലായി സബ്സിഡിയിതര സാധനങ്ങൾ വാങ്ങുന്നവർക്ക് 14 രൂപയ്ക്ക് അര കിലോ പഞ്ചസാര ലഭിക്കും.
ഈ പ്രത്യേക ഓഫർ ഫെബ്രുവരി 14ന് മാത്രമായി പരിമിതപ്പെടുത്തുന്നില്ല. ഫെബ്രുവരി 28 വരെ ഉപഭോക്താക്കൾക്ക് വൻ വിലക്കുറവിൽ പഞ്ചസാര വാങ്ങാനുള്ള സൗകര്യം സപ്ലൈകോ ഒരുക്കിയിട്ടുണ്ട്.
വാലന്റൈൻസ് ഡേ ഓഫറിന് പുറമെ സപ്ലൈകോയുടെ ശബരി ബ്രാൻഡ് വെളിച്ചെണ്ണ വിലയിലും കുറവ് പ്രഖ്യാപിച്ചിട്ടുണ്ട്.
ശബരി സബ്സിഡി വെളിച്ചെണ്ണയുടെ വില ലിറ്ററിന് 289 രൂപയായി കുറച്ചിട്ടുണ്ട്. ഇതോടൊപ്പം സപ്ലൈകോ വഴി വിൽപ്പന നടത്തുന്ന ശബരി നോൺ-സബ്സിഡി വെളിച്ചെണ്ണയുടെ വില 329 രൂപയിൽ നിന്ന് 309 രൂപയാക്കിയും കുറച്ചു.
ഉപഭോക്തൃ സൗഹൃദ നടപടികളുടെ ഭാഗമായി സംസ്ഥാന വ്യാപകമായി എല്ലാ സപ്ലൈകോ ഔട്ട്ലെറ്റുകളിലും ഈ വിലക്കുറവും ഓഫറുകളും ലഭ്യമാകുമെന്ന് അധികൃതർ അറിയിച്ചു.
English Summary
Supplyco has announced a Valentine’s Day special offer allowing customers to buy one kilogram of sugar for just ₹14 on February 14, provided they purchase non-subsidised items worth more than ₹1,000. Customers purchasing non-subsidised products worth over ₹500 will get 500 grams of sugar for ₹14. The discount scheme will continue till February 28. Supplyco has also reduced the price of Sabari subsidised coconut oil to ₹289 per litre and non-subsidised Sabari coconut oil from ₹329 to ₹309.
supplyco-valentines-day-offer-sugar-14-rupees-coconut-oil-price-cut
Supplyco, Valentine’s Day offer, sugar price, 14 rupees sugar, Kerala news, consumer offer, Sabari coconut oil, price cut, subsidised products, non-subsidised products
