തിരുവനന്തപുരം: പത്താംക്ലാസ് വിദ്യാർഥിനിയെ വീട്ടിൽ തൂങ്ങി മരിച്ച നിലയിൽ കണ്ടെത്തി. തിരുവനന്തപുരം നെയ്യാറ്റിൻകരയിലാണ് സംഭവം. പൂവാർ സ്വദേശിയായ ജോസ് രാജ്- ബീന ദമ്പതികളുടെ മകൾ അശ്വതി മരിയയാണ് (15) മരിച്ചത്.
ഓലത്താന്നി വിക്ടറി സ്കൂളിലെ വിദ്യാർഥിനിയായിരുന്നു അശ്വതി. എസ്എസ്എൽസി അവസാന പരീക്ഷ എഴുതി മടങ്ങി വന്ന ശേഷമാണ് കുട്ടിയെ മരിച്ച നിലയിൽ കണ്ടത്. ഇന്ന് വൈകിട്ടോടെയാണ് സംഭവം.
പരീക്ഷ കഴിഞ്ഞ് വീട്ടിൽ എത്തിയ കുട്ടി ആത്മഹത്യ ചെയ്തുവെന്നാണ് പ്രാഥമിക നിഗമനം. എന്താണ് കാരണമെന്ന് വ്യക്തമല്ല. പൂവാർ പൊലീസ് എസ്എച്ച്ഒ സ്ഥലത്തെത്തി തുടർനടപടികൾ സ്വീകരിച്ചു. മൃതദേഹം പോസ്റ്റ്മോർട്ടം അടക്കം നിയമപരമായ നടപടിക്രമങ്ങൾക്ക് ശേഷം ബന്ധുക്കൾക്ക് കൈമാറും.
‘ആരോപണം അടിസ്ഥാന രഹിതം’; തട്ടിപ്പ് കേസിൽ പ്രതികരിച്ച് ഷാന് റഹ്മാന്
കൊച്ചി: സംഗീതനിശയുടെ പേരിൽ 38 ലക്ഷം രൂപ തട്ടിയെന്ന കേസിൽ പ്രതികരണവുമായി സംഗീത സംവിധായകന് ഷാന് റഹ്മാന്. തനിക്കും ഭാര്യക്കുമെതിരെ പ്രചരിക്കുന്ന ആരോപണങ്ങള് അടിസ്ഥാനരഹിതമാണെന്ന് ഷാൻ പറയുന്നു. യഥാര്ഥ പ്രശ്നങ്ങളില് നിന്നു ശ്രദ്ധ തിരിച്ചുവിടാനാണ് ഇത്തരം ആരോപണങ്ങളെന്നും ഷാനും ഭാര്യ സൈറ ഷാനും പ്രസ്താവനയിലൂടെ അറിയിച്ചു.
കൊച്ചിയിൽ നടന്ന സംഗീത പരിപാടിയുമായി ബന്ധപ്പെട്ടാണ് പരാതി ഉയർന്നത്. ഷോ ഡയറക്ടര് നിജു രാജ് നല്കിയ പരാതിയില് ഷാന് റഹ്മാനെതിരെ എറണാകുളം സൗത്ത് പൊലീസ് കേസെടുത്തിരുന്നു.
